ހދ އަތޮޅުގެ ކެމްޕޭން ހަރަކާތް މެކުހަށް، ކުޅުދުއްފުށީގައި މިރޭ ބޮޑު ޖަލްސާއެއް ބާއްވަނީ
28 އެޕްރީލު 2017 | ހުކުރު 12:29ޓީމްގައި އިސްކޮށް ހުންނެވީ އެމްޑީޕީގެ ނައިބް ރައީސް މުހައްމަދު ޝިފާޒް
ކައުންސިލް އިންތިހާބަށް ތައްޔާރުވުމުގެ ގޮތުން މާފުށީގައި އެމްޑީޕީން ބޭއްވި ޖަލްސާއެއްގެ ތެރެއިން
ކުރިއަށް އޮތް ލޯކަލް ކައުންސިލް އިންތިހާބަށް ތައްޔާރުވުމުގެ ގޮތުން އެމްޑީޕީގެ ހާއްސަ ޖަލްސާއެއް ހދ. އަތޮޅު ކުޅުދުފުށީގައި މިރޭ ބާއްވަން ނިންމާފިއެވެ.
"ލާމަރުކަޒީ ރާއްޖެ" މި ނަމުގައި ބާއްވާ މި ޖަލްސާ ފެށޭނީ މިރޭ 9:30 ގައެވެ. މި ޖަލްސާ އަކީ ކައުންސިލް އިންތިހާބުގެ ކެމްޕޭން ހަރަކާތަށް ވަރުގަދަ ކުރުމަށް ހދ އަތޮޅުގެ ރަށްތަކަށް އެމްޑީޕީން ކުރަމުންދާ ދަތުރުގެ ތެރެއިން ބާއްވެމުމަށް ހަމަޖެހިފައިވާ ޖަލްސާއެކެވެ.
މި ޖަލްސާގައި އެމްޑީޕީގެ ނައިބް ރައީސް މުހައްމަދު ޝިފާޒާއި، ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު މުހައްމަދު ނާޒިމާއި ރައްޔިތުންގެ މަޖިލީހުގެ މުލަކު މެމްބަރު އިބްރާހިމް ނަސީރުގެ އިތުރުން އެޕާޓީގެ ގައުމީ މަޖިލީހުގެ ބައެއް މެމްބަރުން ބައިވެރިވަޑައިގަންނަވެއެވެ. މި ޖަލްސާ ރާއްޖެޓީވީން ވަގުތުން ގެނެސްދިނުމަށް ވަނީ ހަމަޖެހިފައެވެ.
ވީހާ ގިނަ އާންމު ރައްޔިތުން މި ޖަލްސާގައި ބައިވެރިވުމަށް އެމްޑީން ވަނީ ގޮވާލާފައެވެ.
މެއި މަހުގެ 6 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަށް ކެމްޕޭން ކުރުމަށް އެމްޑީޕީން ދަނީ ރާއްޖޭގެ އެކި ކަންކޮޅުތަކަށް ދަތުރުކުރަމުނެވެ. މި ދަތުރުތަކުގައި ކައުންސިލް އިންތިހާބަށް ކުރިމަތިލާފައިވާ ކެންޑިޑޭޓުންނަން ތާއިދު ހޯދުމަށް ގިނަ މަސައްކަތްތަކެއް އެ ޕާޓިން ގެންދަނީ ކުރަމުންނެވެ.
