ނިކުންނާނެ ނަތީޖާއެެއްގެ ސަބަބުން ހަމަ ނުޖެހުން އުފެދިދާނެ ކަމަށް ލަފާކޮށް ސަލާމަތީ ކަންކަން އެމެރިކާގައި ވަރުގަދަކޮށްފި

އެމެރިކާގެ ރިޔާސީ އިންތިހާބުގެ ވޯޓުތަށް ގުނަމުން ގެނދާއިރު ނިކުންނާނެ ނަތީޖާއެެއްގެ ސަބަބުން ހަމަ ނުޖެހުން އުފެދިދާނެ ކަމަށް ލަފާކޮށް ގިނަ ތަންތަނެއްގެ ސަލާމަތީ ކަންކަން ވަރުގަދަ ކޮށްފިއެވެ.

އެމެރިކާގެ ނޫސް މަޖައްލާއެއް ކަމަށްވާ "ދަ ވޮޝިންޓަން ޕޯސްޓް" ގައިވާ ގޮތުގައި ހޯމަ ދުހުން ފެށިގެން އެގައުމުގެ ގިނަ ފިހާރަ ތަކާއި އޮފިސް ފަދަ ތަންތަން ފްލައިވުޑް ފިލާ ޖަހާ އަންނަނީ ބަންދުކުރަމުންނެވެ. އެ މަޖައްލާއިން އާންމުކޮށްފައިވާ ވީޑިޔޯއިން ފެންނަ ގޮތުގައި ޓިފްނީ އަދި ގޫޗީގެ އިތުރުން އެތަށް ފިހާރަޔަކާއި އެތަށް ރެސްޓޯރަންޓެއް އަދި އޮފީސްތަކުގެ ބިއްލޫރި ގަނޑުތަށް ސަލާމަތްް ކުރުމަށް ފްލައިވުޑް ފިލާ ޖަހާ ބަންދު ކުރާ މަންޒަރު ފެނިގެންދެއެވެ.

މީގެ އިތުރުން އެމެރިކާގެ 600 އަށް ވުރެށް ގިނަ ސިފައިން އެމެރިކާގެ އެންމެ ބޮޑަށް ހަމަނުޖެހުން ހިންގަފާނެހެން ހީވާ 6 ސްޓޭޓެއްގެ އެކި ކަންކޮޅު ތަކުގައި ހަރަކާތްތެރިވަމުން ގެންދާ ކަމަށް ބުނެފައިވެއެވެ. އަދި ވައިޓް ހައުސްއާށް އައިސްދާނެ ހަމަލާ އަކަށް ވިސްނާ އެތާނގެ ސަލާމަތީކަންކަން ކުރިއަށް ވުރެށް ދެގުނަ ކޮށްފައިވާކަމަށް ބުނެފައިވެއެވެ.

ރިޔާސީ އިންތިހާބުގެ އެލެކްޓޯރަލް ވޯޓްތަށް ގުނަން ފަށާފައިވާއިރު މިވަގުތުގެ ނަތިޖާތައް ދައްކާގޮތުން ބައިޑަން އަށް ޖުމްލަ 224 ޓްވަނީ ލިބިވަޑައިގެންފައެވެ. ޓްރަންޕަށް މިހާތަނަށް ލިބިވަޑާއިގަތީ 213 ވޯޓެވެ. ވައިޓް ހައުސް އަށް ވަޑައިގަތުމަށް 270 އިލެކްޓޯރަލް ކޮލެޖް ވޯޓު ހޯއްދަވަންޖެހެއެވެ. މިވަގުތު ދަށްކާގޮތުގައި އަދި ކުރީގައި އުޅެނީ ބައިޑަންއެވެ.

ނަތީޖާ މިހެން އުޅޭއިރު ޓްރަންޕްގެ ގިނަ ސަޕޯޓަރުން ގޮވަމުން ދަނީ ޓްރަންޕް ނޫން އެހެން މީހަކަށް ވެރިކަމަށް ނާދެވޭނެ ކަމަށް އަދި އެގޮތަށް ވެއްޖެނަމަ ހަމަނުޖެހުން ހިންގާނެ ކަމަށެވެ. އަދި މީ ވޯޓް ގުނުމުގެ ކުރީކޮޅުކަމުގައި ވުމުން ނަތީޖާ ކޮންމެ ގޮތަކަށްވެސް އަދި ބަދަލުވެދާނެކަމަށް ގިނަ ތަޖުރިބާކާރުން ބުނެއެވެ.