ކައުންޓަރ ޓެރަރިޒަމް އާއި ސަރަހައްދީ ސަލަމަތާ ގުޅޭ މަޝްވަރާތައްކޮށްފި
2 ނޮވެމްބަރު 2020 | ހޯމަ 16:55ޚާރިޖީ އަދި ދިފާއީ ދާއިރާ ގުޅިގެން މަސައްކަތްކުރުން މުހިއްމު
ހޯމަ ދުވަހު ބޭއްވެވި ބައްދަލުކުރެއްވުމުގެ ތެރެއިން
ފޮރިން މިނިސްޓަރު އަބްދުﷲ ޝާހިދު، ޑިފެންސް މިނިސްޓަރު މާރިޔާ އަހުމަދު ދީދީއާ ބައްދަލުކުރައްވައި، ކައުންޓަރ ޓެރަރިޒަމް އާއި ސަރަހައްދީ ސަލަމަތާ ގުޅޭ މަޝްވަރާތައް ކުރައްވައިފިއެވެ.
ހޯމަ ދުވަހު ބޭއްވި މި ބައްދަލުކުރެއްވުމުގައި ދެ ވަޒީރުން ވަނީ ސަރަހައްދީ އަދި ބައިނަލްއަގުވާމީ ސަލާމަތާ ބެހޭ ކަންކަމާއި، ކައުންޓަރ-ޓެރަރިޒަމާ ގުޅޭ މައްސަލަތަކުގައި މަޝްވަރާކުރައްވާފައެވެ.
މި ބައްދަލުވުމާ ގުޅޭ ގޮތުން ފޮރިން މިނިސްޓަރު ޝާހިދު ވިދާޅުވީ އިންޑިއާ ކަނޑުގެ ސަލާމަތާއި ރައްކާތެރިކަން ކަށަވަރުކުރުމުގައި ދިވެހިރާއްޖެއިން އަދާކުރާ މުހިއްމު ދައުރުގެ ސަބަބުން ޚާރިޖީ އަދި ދިފާއީ ދާއިރާ ގުޅިގެން މަސައްކަތްކުރުން މުހިއްމުކަމަށެވެ.
މި ބައްދަލުވުމުގައި މިނިސްޓަރ އޮފް ސްޓޭޓް ފޮރ ފޮރިން އެފެއަރޒް އަހުމަދު ޚަލީލު އާއި ފޮރިން ސެކްރެޓަރީ އަބްދުލްޣަފޫރު މުހައްމަދުގެ އިތުރުން ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލް ބައިވެރިވެވަޑައިގަތެވެ.
