މާލެއިން ގެއްލިގެން ހޯދަމުންދިޔަ މީހާ ފެނިއްޖެ
އޭނާ އަމިއްލައަށް މިއަދުގެ ހެނދުނުގެ ވަގުތެއްގައި ވަނީ އޭނާ ދިރިއުޅޭ ގެއަށް އައިސްފައި
ގެއްލިގެން ހޯދަމުންދާ ރ. ކިނޮޅަސް، ލަގްޒަރީ، ޝިރުމީނާ އަބޫބަކުރު (33އ): އޭނާ އަމިއްލައަށް މިހާރު ވަނީ ގެއަށް އައިސްފައި ކަމަށް ފުލުހުން ބުނޭ
މާލެއިން ގެއްލިގެން ހޯދަމުންދިޔަ މީހާ ފެނިއްޖެއެވެ.
ހޯމަ ދުވަހު ފުލުހުންގެ މީޑިއާ އޮފިޝަލް ""ރާއްޖެއެމްވީ" އަށް ވިދާޅުވީ، ގެއްލިގެން ހޯދަމުންދިޔަ މީހާ، އޭނާ އަމިއްލައަށް އޭނާ ދިރިއުޅޭ ގެއަށް ހޯމަ ދުވަހުގެ ހެނދުނުގެ ވަގުތެއްގައި އައިސްފައިވާ ކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
ގެއްލިގެން ހޯދަމުންދިޔަ މީހާއަކީ ރ. ކިނޮޅަސް، ލަގްޒަރީ، ޝިރުމީނާ އަބޫބަކުރު (33އ) ކަމަށެވެ.
އޭނާ ގެއްލިގެން ކުރި އިއުލާނުގައި ފުލުހުން ބުނީ، މިދިޔަ އޮކްޓޯބަރ މަހުގެ 31 ވަނަ ދުވަހުގެ 13:30 އިން ފެށިގެން ވީނުވީއެއް ނޭނގި ގެއްލިގެން އާއިލާގެ ފަރާތުން ފުލުހުންނަށް އެ މައްސަލަ ރިޕޯޓްކޮށްފައިވަނީ ހަމަ އެ ދުވަހުގެ ރޭ 22:45 ގައި ކަމަށެވެ.
