މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ އެހީތެރިކަމާއެކު އައްޑޫ ސިޓީއިން ހާލުބޮޑު ބަލި ކުޑަކުއްޖަކު މާލެއަށް ގެނެސްދީފިއެވެ.
މިކަން ހާމަކޮށް އެމްއެންޑީއެފް ހޯމަދުވަހުގެ ފަތިހު 5:02 ގައި ކޮށްފައިވާ ޓްވީޓެއްގައި ބުނީ އައްޑޫ ސިޓީއިން މާލެއަށް ގެނެވުނީ ހާލު ބޮޑުވެފައިވާ އަލައް އުފަންވި ކުޑަކުއްޖެއް ކަމަށެވެ. އެކުއްޖާ މާލެ ގެނެވުނީ ހޯމަ ދުވަހުގެ ފަތިހު 4:02 ހާއިރު ކަމަށެވެ.
ބަލިކުއްޖާ މާލެ ގެނެސްފައި ވަނީ އެމްއެންޑީއެފް ނޮދަން ކޮމާންޑުގެ އެހީތެރިކަމާ އެކު ޑޯނިއާ ފްލައިޓެއްގައެވެ. މިއީ މި ފްލައިޓުން ބަލި މީހަކު މާލެއަށް ގެނެސްދީފައިވާ ދެވަނަ ފަހަރެވެ.
