އެމްއެންޑީއެފްގެ ޑޯނިއަރ ފްލައިޓުގައި ހާލު ބޮޑުވެފައިވާ ތުއްތުކުއްޖަކު އުފުލައިފި
2 ނޮވެމްބަރު 2020 | ހޯމަ 07:37އައްޑޫ ސިޓީއިން މާލެއަށް ގެނެވުނީ ހާލު ބޮޑުވެފައިވާ އަލައް އުފަންވި ކުޑަކުއްޖެއް
ރިޒްނާ ޒަރީރު | 2 ނޮވެމްބަރު 2020 | ހޯމަ 07:37
ޑޯނިއަރ ފްލައިޓުގައި ހާލު ބޮޑުވެފައިވާ ތުއްތުކުއްޖަކު ގެނައުން
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ އެހީތެރިކަމާއެކު އައްޑޫ ސިޓީއިން ހާލުބޮޑު ބަލި ކުޑަކުއްޖަކު މާލެއަށް ގެނެސްދީފިއެވެ.
މިކަން ހާމަކޮށް އެމްއެންޑީއެފް ހޯމަދުވަހުގެ ފަތިހު 5:02 ގައި ކޮށްފައިވާ ޓްވީޓެއްގައި ބުނީ އައްޑޫ ސިޓީއިން މާލެއަށް ގެނެވުނީ ހާލު ބޮޑުވެފައިވާ އަލައް އުފަންވި ކުޑަކުއްޖެއް ކަމަށެވެ. އެކުއްޖާ މާލެ ގެނެވުނީ ހޯމަ ދުވަހުގެ ފަތިހު 4:02 ހާއިރު ކަމަށެވެ.
ބަލިކުއްޖާ މާލެ ގެނެސްފައި ވަނީ އެމްއެންޑީއެފް ނޮދަން ކޮމާންޑުގެ އެހީތެރިކަމާ އެކު ޑޯނިއާ ފްލައިޓެއްގައެވެ. މިއީ މި ފްލައިޓުން ބަލި މީހަކު މާލެއަށް ގެނެސްދީފައިވާ ދެވަނަ ފަހަރެވެ.
