އެމެރިކާ: 24 ގަޑީއިރު ތެރޭ ކޮވިޑް ޖެހުނު މީހުންގެ އަދަދު 1 ލައްކައަށް އެރި ފުރަތަމަ ގައުމު
2 ނޮވެމްބަރު 2020 | ހޯމަ 03:36އެމެރިކާއިން ހޮނިހިރު ދުވަހު ޕޮޒިޓިވްވީ 100،233
އެމެރިކާގައި ކޮވިޑް 19 ދަނީ ހަލުވިކޮށް ފެތުރެމުން | ދަގާޑިއަން.ކޯ.ޔޫކޭ
24 ގަޑީއިރު ތެރޭ ކޮވިޑް ޖެހުނު މީހުންގެ އަދަދު 1 ލައްކައަށް އެރި ފުރަތަމަ ގައުމަށް އެމެރިކާ ވެއްޖެއެވެ.
އެމެރިކާއިން ހޮނިހިރު ދުވަހު 100،233 (އެލައްކަ ދުއިސްތަ ތިރީސް ތިން) މީހުން ވަނީ ކޮވިޑް19 އަށް ޕޮޒިޓިވް ވެފައެވެ. މި އަދަދު މިވަނީ ހުކުރު ދުވަހު އެގައުމުގައި ރިޕޯޓު ކުރި ކޭސްތަކުގެ އަދަދުގެ ރިކޯޑް މުގުރާލާފައެވެ.
ހުކުރު ދުވަހު އެގައުމުން ޕޮޒިޓިވް ވެފައި ވަނީ 97894 (ނުވަދިހަ ހަތްހާސް އަށްސަތޭކަ ނުވަދިހަ ހަތަރު) މީހުންނެވެ.
އެމެރިކާގެ ރިޔާސީ އިންތިހާބު ފެށެން ތިން ދުވަހަށް ވެފައިވާއިރު އެގައުމުގައި ކޮވިޑް ޖެހޭ މީހުންގެ އަދަދު މިވަނީ ދުވަހެއް ދުވަހަކަށް އިތުރުވާން ފަށާފައެވެ. އެގޮތުން އެގައުމުން މި ބަލި ޖެހުނު މީހުންގެ އަދަދު 9 މިލިއަނަށް މިވަނީ އަރާފައެވެ. މިއީ އެގައުމުގެ އާބާދީގެ 3 އިންސައްތައެވެ.
ކޮވިޑް19 ޖެހިގެން އެގައުމުގައި މިހާތަނަށް 230000 ( ދެލައްކަ ތިރީސް ހާސް ) މީހުން ވަނީ މަރުވެފައެވެ. އެގޮތުން ހަމައެކަނި ބުރާސްފަތި ދުވަހުވެސް 1000 މީހުން ވަނީ މިބަލީގައި މަރުވެފައެވެ.
މީގެ އިތުރުންވެސް ހޮނިހިރު ދުވަހު އެކަނިވެސް އެގައުމުގެ 15ށް ވުރެ ގިނަ ސްޓޭޓަކުން ވަނީ ރިކޯޑް އަދަދަކަށް މީހުން ޕޮޒިޓިވް ވިކަން ވެސް ހާމަ ކޮށްފައެވެ.
