ރާއްޖެ
ތިލަފުށި އަދި ގުޅިފަޅ
ތިލަފުއްޓާއި ގުޅިފަޅު ތެރޭގައި އަޅާފައިވާ އުޅަނދުތައް ނަގަން އެޗްޑީސީން އަންގައިފި
90 ދުވަހުގެ މުއްދަތެއް ވަނީ ދީފައި
އަލީ ސަމާޚް, ރާއްޖެ އެމްވީ | 1 ނޮވެމްބަރު 2020 | އާދީއްތަ 17:56
ތިލަފުށި މަތިން ނަގާފައިވާ ފޮޓޯއެއް
ތިލަފުށި އަދި ގުޅިފަޅު ތެރޭގައި އަޅާފައިވާ އުޅަނދުތައް ނެގުމަށް ހައުސިން ޑިވޮލޮޕްމެންޓް ކޯޕަރޭޝަން (އެޗްޑީސީ) އިން އަންގައިފިއެވެ.
އެޗްޑީސީން އާންމުކޮށްފައިވާ އިއުލާނެއްގައިވަނީ، ތިލަފުށި އަދި ގުޅިފަޅުގައި ބިން ކުއްޔަށް ނަގާފައިވާ ފަރާތްތައް ފިޔަވާ އިތުރު ފަރާތްތަކުން ތިލަފުށި އަދިގުޅިފަޅު ފަޅުތެރޭގައި އަޅާފައިވާ އުޅަނދުތައް އާދިއްތަ ދުވަހުން ފެށިގެން 90 ދުވަހުގެ ތެރޭގައި ނަގަން ޖެހޭނެ ކަމަށެވެ.
އެޗްޑީސީން އިތުރަށް ބުނީ، އުޅަނދުތައް ނެގުމަށް ދީފައިވާ މުއްދަތުގެ ތެރޭގައި ނަގާފައިނުވާނަމަ، އެތަކެތި އެ ކޯޕަރޭޝަނުން ނަގާނެ ކަމަށެވެ. އަދި ނެގުމުގެ ތެރޭގައި އެ ސަރަހައްދުތަކުގައި އަޅާފައިވާ އެއްވެސް އުޅަނދަކަށް ލިބޭ ގެއްލުމަށް ޒިންމާ ނުވާނެކަމަށް އެޗްޑީސީގެ އިއުލާނުގައިވެއެވެ.
