އޮކްޓޯބަރ މަހު ޕެންޝަނުގެ ގޮތުގައި 117 މިލިއަނަށްވުރެ ގިނަ ރުފިޔާ ދޫކޮށްފި
އެންމެ ގިނަ އަދަދަކަށް ފައިސާ ދޫކޮށްފައިވަނީ އަސާސީ ޕެންޝަނުގެ ގޮތުގައި
މޯލްޑިވްސް ޕެންޝަން އޮފީސް
އޮކްޓޯބަރ މަހު ޕެންޝަނުގެ ގޮތުގައި 117 މިލިއަނަށްވުރެ ގިނަ ރުފިޔާ ދޫކޮށްފިއެވެ.
މޯލްޑިވްސް ޕެންޝަން އޮފީހުން އޮކްޓޯބަރ މަހު ޕެންޝަރަނަރުންނަށް ދޫކޮށްފައިވާ ޖުމްލަ ފައިސާގެ އަދަދަކީ 117818556.27 (ސަތޭކަސަތާރަ މިލިއަން އަށްޑިހަ އެއްލައްކަ އަށް ހާސް ފަސްސަތޭކަ ފަންސާސް ހަ ރުފިޔާ ހަތާވީސް ލާރި) އެވެ.
ރާއްޖޭގެ ޕެންޝަން އޮފީހުން ހާމަކޮށްފައިވާ ތަފާސް ހިސާބުތަކަށް ބަލާއިރު އެންމެ ގިނަ އަދަދަކަށް ފައިސާ ދޫކޮށްފައިވަނީ އަސާސީ ޕެންޝަނުގެ ގޮތުގަ އެވެ. އެއީ 87032361.14 (އަށްޑިހަ ހަތް މިލިއަން ތިރީސްދެހާސް ތިންސަތޭކަ ފަސްދޮޅަސް އެއް ރުފިޔާ ސާދަ ލާރި)އެވެ. އަސާސީ ޕެންޝަން ދޫކޮށްފައިވަނީ 18303 މީހަކަށެވެ.
މީގެއިތުރުން ދައުލަތުގެ ވަޒީފާތަކުން ރިޓަޔަރކުރާ ފަރާތްތަކަށް ދައުލަތުން ދޭ އިނާޔަތުގެ ގޮތުގައި 17337780.02 (ސަތާރަ މިލިއަން ތިންލައްކަ ތިރީސް ހަތްހާސް ހަތްސަތޭކަ އަށްޑިހަ ރުފިޔާ ދެ ލާރި) ދޫކޮށްފައިވެއެވެ. ދައުލަތުގެ ވަޒީފާތަކުން ރިޓަޔަރކުރާ ފަރާތްތަކަށް ދައުލަތުން ދޭ އިނާޔަތް 4016 ފަރާތަކަށް ލިބިފައިވެއެވެ.
ރިޓާޔަރމަންޓް ޕެންޝަންގެ ގޮތުގައި 7383153.20 (ހަތް މިލިއަން ތިންލައްކަ އަށްޑިހަ ތިންހާސް ސަތޭކަ ފަންސާސްތިން ރުފިޔާ ވިހިލާރި) ދޫކޮށްފައިވާއިރު އެއީ 1346 ޕެންޝަނަރަކަށް ދޫކޮށްފައިވާ ފައިސާ އެވެ. އަދި ދައުލަތުގެ އެހެނިހެން ރިޓަޔަރމަންޓް އިނާޔަތްތަކުގެ ގޮތުގައި 6065261.91 (ހަ މިލިއަން ފަސްދޮޅަސް ފަސްހާސް ދުއިސައްތަ ފަސްދޮޅަސް އެއް ރުފިޔާ ނުވަދިހަ އެއް ލާރި) ވަނީ ދޫކޮށްފައެވެ. މި ފައިސާ ދީފައިވަނީ 3206 މީހަކަށެވެ.
ރިޓަޔަރމަންޓް ޕެންޝަން ފިޔަވައި އެހެން ޕެންޝަނާއި އިނާޔަތްތަކަކީ ދައުލަތުގެ ބަޖެޓުން ޚަރަދުކޮށްގެން ދެވޭ ޕެންޝަނާއި އިނާޔަތްތަކެކެވެ.
