ތުރުކީއަށް އައި ބިންހެލުމާއި ގުޅިގެން އެގައުމުގެ ފޮރިން މިނިސްޓަރަށް، ޝާހިދުގެ ތައުޒިޔާ
ތުރުކީއަށް އައިސްފައިވަނީ 7.0 މެގްނިޓިއުޑްގެ ބިންހެލުމެއް
ފޮރިން މިނިސްޓަރ އަބްދުﷲ ޝާހިދު
ތުރުކީއަށް އައި ބިންހެލުމާއި ގުޅިގެން އެގައުމުގެ ފޮރިން މިނިސްޓަރ މެވްލިތު ސަވުސަލޫ އަށް، ރާއްޖޭގެ ފޮރިން މިނިސްޓަރ އަބްދުﷲ ޝާހިދު ތައުުޒިޔާ ފޮނުއްވައިފިއެވެ.
އެ ސަރަހައްދަށް އައި ބިންހެލުމާއި އެކު ތުރުކީގެ އެތައް ރައްޔިތުންނެއްގެ ފުރާނަ ގޮސްފަައިވާއިރު މިކަން ފާހަގަކުރައްވާ ހުކުރު ދުވަހުގެ ރޭ މިނިސްޓަރ ޝާހިދު ކުރެއްވި ޓުވީޓެއްގައި ވަނީ ތައުޒިޔާ ފޮނުވާފައެވެ.
އެޖީއަން ކަނޑަށް އައި 7.0 މެގްނިޓިއުޑްގެ މި ބިންހެލުމުގައި ގްރީސް އާއި ތުރުކީ އަށް ވަނީ ބޮޑެތި ގެއްލުން ވެފައެވެ. އެގޮތުން، ގިނަ އިމާރާތްތައް ހަލާކުވެ، ވެއްޓިފައިވާއިރު އެތައް ބައެއް މި އިމާރާތްތަކުގަައި ދަށުވެފައިވާ ކަމަށް ބައިނަލްއަގްވާމީ ރިޕޯޓުތަކުން ބުނެއެވެ.
ތުރުކީގެ 20 އިމާރާތެއް ވެއްޓިފައިވާ ކަމަށް އެގައުމުގެ ސަރުކާރުން މީޑިއާތަކަށް މައުލޫމާތު ދީފައިވެއެވެ. އެގައުމުގެ ހެލްތު މިނިސްޓަރ ވިދާޅުވެފައިވަނީ މި ކާރިސާގައި އެގައުމުގެ އިޒްމީރް ޕްރޮވިންސް އިން 120 މީހުންނަށް އަނިޔާވެފައިވާ ކަމަށެވެ.
