ހުކުރު 22 ޖެނުއަރީ 2021
4 ހުވަން
1442 ޖުމާދުލް އާހިރަތު 08
ފަތިސް 05:03
އިރުއަރާ 06:18
މެންދުރު 12:22
އަސްރު 15:41
އިރުއޮއްސޭ 18:17
އިޝާ 19:32
ތައިލެންޑް މުޒާހަރާ

ބޮޑުވަޒީރު އިސްތިއުފާ ދެއްވި ނަމަވެސް މުޒާހަރާތައް ކުރިއަށްގެންދާނަން: މުޒާހަރާގެ ބައިވެރިން

  • ރަސްކަމަށާއި ގާނޫނު އަސާސީއަށް އިސްލާހު ނުގެންނަ ނަމަ މުޒާހަރާތައް ކުރިއަށްގެންދާނެ
  • ކޮރޯނާވައިރަސް ފެތުރުމާ ގުޅިގެން މުޒާހަރާތައް ހުއްޓުނު

ކ. މާލެ | 29 އޮކްޓޯބަރ 2020 | ބުރާސްފަތި 18:38 | 16,158

ތައިލެންޑްގައި ސިލްސިލާކޮށް ބާއްވާ މުޒާހަރާތައް މި އަހަރު ފުރަތަމަ ފެށީ ފެބްރުއަރީ މަހުގައި - ރޮއިޓަރސް

ތައިލޭންޑުގެ ބޮޑުވަޒީރު އިސްތިއުފާ ދެއްވި ނަމަވެސް ގައުމުގެ ރަސްކަމަށާއި ގާނޫނު އަސާސީއަށް އިސްލާހު ނުގެންނަ ނަމަ މުޒާހަރާތައް ކުރިއަށްގެންދާނެ ކަމަށް އެ މުޒާހަރާތަކުގެ ބައިވެރިން ބުނެފިއެވެ.

މުޒާހަރާގެ ބައިވެރި އެއް ކަމަށްވާ ޖަތުޕަޓް ބުނީ އެމީހުން ހުރިހާ ޑިމާންޑުތަކަށް އަމަލު ކުރަން ނުފަށަނީސް މުޒާހަރާތައް ނުހުއްޓާނެ ކަމަށެވެ. އަދި ބޮޑުވަޒީރު ޕްރަޔުތު އިސްތިއުފާ ދެއްވިޔަސް އޭނާއާ އެއްގޮތް މީހަކު އެމަގާމަށް އައުން އެކަށީގެންވާކަމަށާ އެމީހުންނަށް ހަމަ އެފަދަ މައްސަލަތަކެއް ދިމާވާނެ ކަމަށެވެ.

2014 ވަނަ އަހަރު ތައިލޭންޑުގެ ބޮޑުވަޒީރުގެ މަގާމަށް ވަޑައިގެންނެވި ޕްރަޔުތު ޗަން އޮޗާ އެ މަގާމަށް ވަޑައިގަތީ އަސްކަރީ ބަޣާވާތަކުންނެވެ. އަދި އެގައުމުގައި މިހާރު އޮތީ އޭނާގެ އަސްކަރީ ވެރިކަމުން އެކުލަވާލި ގާނޫނު އަސާސީއެކެވެ. އެ ގާނޫނު އަސާސީގައި ބުނާ ގޮތުން ގައުމުގެ ސެނެޓުގައި ތިއްބަވާ 250 މެމްބަރުން އައްޔަން ކުރަނީ ތައި އަސްކަރިއްޔާއިންނެވެ.

ތައިލެންޑްގައި ސިލްސިލާކޮށް ބާއްވާ މުޒާހަރާތައް މި އަހަރު ފުރަތަމަ ފެށީ ފެބްރުއަރީ މަހުގަ އެވެ. މި މުޒާހަރާތައް ބާއްވަން އިސްނަގާފައިވަނީ ތައިލޭންޑުގެ ޔުނިވާސިޓީ އަދި މަތީ ސާނަވީ ސްކޫލުތަކުގެ ދަރިވަރުންނެވެ.

ކޮރޯނާވައިރަސް ފެތުރުމާ ގުޅިގެން މުޒާހަރާތައް ހުއްޓުނު ނަމަވެސް މި އަހަރުގެ މެދުތެރޭގައި އަނެއްކާ ވެސް މުޒާހަރާތައް ކުރަން ފެށުނެވެ. އަދި ޕްރަޔުތް އިސްތިއުފާ ދެއްވުމަށް ދަނީ މުޒާހަރާގެ ބައިވެރިން ގޮވާލަމުންނެވެ. ނަމަވެސް އޭނާ ތަކުރާރުކޮށް ވިދާޅުވަމުން ގެންދަވަނީ އިސްތިއުފާ ނުދެއްވާނެ ކަމަށެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.