ކ. މާލެ
|
28 އޮކްޓޯބަރ 2020 | ބުދަ 13:28
ބްރޯޑްކޮމް އިން އިސްތިއުފާދެއްވި ޒީނާ ޒާހިރު
ބްރޯޑްކޮމް އިން އިސްތިއުފާދެއްވި ޒީނާ ޒާހިރު
ޝުއައިބް މުހައްމަދު އިގްބާލް
މޯލްޑިވްސް ބްރޯޑްކާސްޓިންގ ކޮމިޝަން
ބްރޯޑްކޮމްގެ މެމްބަރ ކަމުން ޒީނާ އިސްތިއުފާ ދެއްވައިފި
 
މީޑިއާތަކަކާ މެދު ކުރީގެ ސަރުކާރުގެ ދުވަސްވަރު ތަފާތުކޮށް އަމަލު ކުރި ކަމުގެ ތުހުމަތު ކުރެވޭ
 
މެމްބަރު ކަމަށް ޒީނާ އައްޔަނު ކުރީ 2016 ވަނަ އަހަރުގެ އެޕްރީލް މަހުގެ 5 ވަނަ ދުވަހު

މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ މެންބަރުކަމުން ޒީނާ ޒާހިރު އިސްތިއުފާ ދެއްވައިފިއެވެ.

އޭނާ މަގާމުން އިސްތިއުފާ ދެއްވާފައި ވަނީ ބުދަ ދުވަހުގެ މަޖިލީހުގައި އޭނާ މަގާމުން ވަކި ކުރުމުގެ މައްސަލަ ތާވަލުކުރެވިފައި ވަނިކޮށެވެ.

މަގާމުން އިސްތިއުފާ ދެއްވާ ފޭސްބުކްގައި ކުރެއްވި ޕޯސްޓެއްގައި އޭނާ ވިދާޅުވީ މިއަދާ ހަމަޔަށް އެ ކޮމިޝަންގެ މެމްބަރުގެ ހައިސިއްޔަތުން މަގާމުގެ މައްސޫލިއްޔަތު އަދާކުރައްވާފައި ވަނީ އެންމެ ފުރިހަމައަށް ކަމަށެވެ. އަދި އޭނާ ވަކި ކުރުމަށް މަޖިލީހުގެ މިނިވަން މުއައްސަސާތަކުން ނިންމީ އެންމެ އިންސާފުވެރިކޮށް ކަމަށް ގަބޫލުނުކުރާ ކަމަށެވެ.

ޒީނާގެ މައްސަލަ ކޮމިޓީން މީގެ ކުރިން ވެސް ބަލާފައިވެއެވެ. ނަމަވެސް އޭރު ޒީނާ ބަލިވެ އިނުމުން، އޭނާ ހާޒިރު ކުރުމަށް ނިންމުނު ބައްދަލުވުން ބާއްވާފައެއް ނުވެއެވެ.

ޤާނޫނީ ވާޖިބު އަދާ ނުކުރުމާއި، ވަކި މީޑިއާތަކަކާ މެދު ކުރީގެ ސަރުކާރުގެ ދުވަސްވަރު ތަފާތުކޮށް އަމަލު ކުރި ކަމުގެ ތުހުމަތުތައް ޒީނާގެ އިތުރުން ބްރޯޑްކޮމްގެ ކުރީގެ މެމްބަރުންގެ މައްޗަށް ވެސް ކުރެވެއެވެ.

އެގޮތުން 2018 ވަނަ އަހަރު ރާއްޖޭގައި ކުއްލި ނުރައްކަލުގެ ހާލަތު އިއުލާނުކޮށްފައި ވަނިކޮށް 'ރާއްޖެޓީވީން' ފޮނުވަމުން ދިޔަ ކޮންޓެންޓް ހުއްޓުވައި ދިނުމަށް މިނިސްޓްރީ އޮފް ޑިފެންސްގައި އެދުމަށް ނިންމި ނިންމުމުގައި ޒީނާގެ ބައިވެރިވުން އޮތް ކަމަށް ފާހަގަކުރެވެއެވެ. މި ކަމާ ގުޅިގެން އޭނާ ވިދާާޅުވެފައި ވަނީ އެއީ އެ ހާލަތުގައި ނެގޭނެ އެންމެ ރަނގަޅު ފިޔަވަޅު ކަމަށް ގަބޫލުކުރައްވާ ކަމަށެވެ. އޭނާ ވަކި ކުރުމަށް ކޮމިޓީން ނިންމީީ އެ ކޮމިޝަންގެ މަސައްކަތްތަކަށް ފަރުވާ ކުޑަކުރާ ކަމުގެ މައްސަލަތަކެއް ވެސް ބެލުމަށް ފަހުއެވެ.

ބްރޯޑްކޮމްގެ މެމްބަރުކަމަށް ޒީނާ އައްޔަނު ކުރީ 2016 ވަނަ އަހަރުގެ އެޕްރީލް މަހުގެ 5 ވަނަ ދުވަހުއެވެ. އެގޮތުން ޒީނާ ޒާހިރު މޯލްޑިވްސް ބްރޯޑްކާސްޓިންގ ކޮމިޝަންގެ މެންބަރު ކަމަށް ޢައްޔަން ކުރެއްވުމުގެ ކުރިން ހުންނެވީ މޯލްޑިވްސް ޕޯޓްސް ލިމިޓެޑްގެ އެސިސްޓެންޓް މެނޭޖަރގެ މަޤާމްގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
50%
0%
50%
0%
0%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ