ސްޓޭކް އެންޑް ކޮފީ ބާ ރެސްޓޯރެންޓް އިން ފްރާންސްގެ އުފެއްދުން ބޮއިކޮޓް ކޮށްފި!

ރާއްޖޭގެ ނަން މަޝްހޫރު ރެސްޓޯރެންޓް ސްޓޭކް އެންޑް ކޮފީ ބާ އިން ފްރާންސްގެ އުފެއްދުން ބޮއިކޮޓް ކޮށްފިއެވެ.

އެ ރެސްޓޯރަންޓުން ބުނީ އިސްލާމް ދީނާ ގުޅޭ ގޮތުން ފްރާންސްގެ ރައީސް މެކްރޯން ދެއްކެވި ވާހަކަތަކަށް މާފު ނުކުރައްވަނީސް ފްރާންސުގައި އުފައްދާ އެއްވެސް އިންގްރީޑިއެންޓެއް އެ ރެސްޓޯރެންޓުން ބޭނުން ނުކުރާނެ ކަމަށެވެ.

ފްރާންސުގެ އުފެއްދުންތައް ބޮއިކޮޓް ކުރަމުންދަނީ އެ ގައުމުގެ ރައީސް މެކްރޯން އިސްލާމް ދީނާ މެދު މީހުންގެ މެދުގައި ނަފްރަތު އުފެދޭ ގޮތަށް ވާހަކަ ދައްކަވާތީއެވެ. އަދި އޭނާ ވަނީ ކީރިތި ރަސޫލާއަށް ފުރައްސާރަ ކުރުމަކީ ޚިޔާލު ފާޅުކުރުމުގެ މިނިވަންކަން ކަމަށް ބުނެ އެފަދަ މީހުންނަށް ހިއްވަރުދީ ވާހަކަ ދައްކާފައެވެ.

އޭނާގެ ވާހަކަތައް މިފަދަ ގޮތަކަށް ހުރުމާއި ގުޅިގެން މުސްލިމް ގިނަ ގައުމުތަކުން ވަނީ ފްރާންސްއާއި ދެކޮޅަށް ދަތިކުރުމުގެ ފިޔަވަޅުތައް އަޅައި މެކްރޯންގެ ވާހަކަތައް ކުށްވެރިކޮށްފައެވެ.