ޓެކްނިކަލް މައްސަލައެއް ދިމާވެ، ބީއެމްއެލްގެ ހިދުމަތްތަކަށް ބުރޫއަރައިފި

ޓެކްނިކަލް މައްސަލައެއް ދިމާވެ، ބޭންކް އޮފް މޯލްޑިވްސް (ބީއެމްއެލް) ގެ ހިދުމަތްތަކަށް ބުރޫއަރައިފި އެވެ.

ބީއެމްއެލުން ބުނީ ދިމާވި ޓެކްނިކަލް މައްސަލައަކާއި ގުޅިގެން އެ ކުންފުނީގެ އިންޓަނެޓް ބޭންކިންގ ހިދުމަތާއި، މޯބައިލް ބޭންކިންގ ހިދުމަތަށް ބޭނުންކުރުމުގައި ދަތިތަކެއް ކުރިމަތިވުމަކީ އެކަށީގެންވާކަމެއް ކަމަށެވެ. އަދި މައްސަލަ ހައްލުކުރުމަށް މަސައްކަތްކުރަމުން އަންނަކަމަށް ބޭންކުން ބުންޏެވެ.

އެ ހިދުމަތްތައްތަކުގެ އިތުރުން، މާލޭގެ އޭޓީއެމްތަކުގެ ހިދުމަތްވެސް ވަނީ މެދުކެނޑިފަ އެވެ. އޭގެއިތުރުން ޕީއޯއެސް މެޝިންތައް ބޭނުންކުރުމުގައިވެސް ކަސްޓަމަރުންނަށް ދަތިތައް އަންނަނީ ކުރިމަތިވަމުންނެވެ.

ބީއެމްއެލްގެ ހިދުމަތްތަކަށް ބުރޫ އަރާފައިވަނީ، ރައްޔިތުންގެ ކަރަންޓު ކުންފުނިން ދެމުން އަންނަ ކަރަންޓުގެ ހިދުމަތުގެ ފެންވަރު ދަށްވެ، ހުކުރު ދުވަހު އެކަނިވެސް އެތަކެއް ފަހަރު ކަރަންޓުގެ މައްސަލަތަކެއް ދިމާވެފައިވަނިކޮށެވެ. އެގޮތުން ހުކުރު ދުވަހު ހެނދުނު 7:30 އިން ފެށިގެން ކަރަންޓު ކެނޑިފައިވެއެވެ.