ޝޭރްޝާހްގެ ޝޫޓިންތައް ފެށިއްޖެ

ކޮވިޑް19 އާ ގުޅިގެން ގިނަ ދުވަސްތަކެއް ގޭގައި ހޭދަ ކުރުމަށްފަހު، ސިދާތު މަލޯތްރާ ޝޭރްޝާހްގެ ޝޫޓިންތައް ފަށައިފިއެވެ.

ފިލްމުގެ ޝޫޓިން ފެށުމާއެކު ސެޓްގައި ނަގާފައިވާ ފޮޓޯތައް ސިދާތު ވަނީ ސޯޝަލް މީޑިއާގައި ހިއްސާކޮށްފައެވެ. މިއާއެކު، ސޯޝަލް މީޑިއާގައި ފޭނުން ދަނީ މި ޕޯސްޓްތަކަށް ކޮމެންޓްކޮށް މަރުހަބާ ކިޔަމުންނެވެ.

ޝޭރްޝާހްއަކީ ކަރްގިލް ހަނގުރާމައިގެ ބަޠަލެއްކަމަށްވާ ކެޕްޓަން ވިކްރަމް ބަތްރާގެ ދިރިއުޅުމުގެ މައްޗަށް ބިނާކޮށް އުފައްދާފައިވާ ފިލްމެކެވެ. މި ފިލްމުގައި ވިކްރަމްގެ ލޯބިވެރިޔާ ޑިމްޕަލް ޗީމާގެ ރޯލުން ފެނިގެންދާނީ ކިއާރާ އަދްވާނީއެވެ.

މި އަހަރުގެ ތެރޭގައި ފިލްމު ރިލީޒްކުރަން ހަމަޖެހިފައިވީނަމަވެސް، ކޮވިޑް19 ޕެންޑެމިކާ ގުޅިގެން ފިލްމު ވަނީ އަންނަ އަހަރަށް ފަސްކޮށްފައެވެ. ނަމަވެސް ރިލީޒް ކުރާނެ ވަކި ތާރީޚެއް އަދި އިއުލާނުކޮށްފައެއް ނުވެއެވެ.