މަހޭޝްވަރުގައި ނަގާ ''ދަބަންގް 3'' ގެ ޝޫޓިންތައް ނިންމާލައިފި
މި ފިލްމްގައި ސަލްމާނާ އެކު ލީޑް ރޯލުން ފެނިގެންދާނީ ސޯނާކްޝީ ސިންހާ
އަޒްލިފާ އަބްދުﷲ | 13 އެޕްރީލު 2019 | ހޮނިހިރު 05:39
ސަލްމާން ޚާން
ބޮލީވުޑް އެކްޓަރ ސަލްމާން ޚާން އޭނާގެ އަންނަން އޮތް ފިލްމް "ދަބަންގް 3" ގެ މަހޭޝްވަރުގައި ނެގުމަށް ހަމަޖެހިފައިވާ ޝޫޓިންތައް ނިންމާލައިފިއެވެ.
ސަލްމާން އޭނާގެ އިންސްޓަގްރާމްގައި ހިއްސާކޮށްފައިވާ ފޮޓޯގެ ކެޕްޝަންގައި މަހޭޝްވަރުގައި ނެގުމަށް ހަމަޖެހިފައިވާ ޝޫޓިންތައް ނިމުނު ކަމަށް ވަނީ ބުނެފައެވެ.
މި ފިލްމްގައި ސަލްމާނާ އެކު ލީޑް ރޯލުން ފެނިގެންދާނީ ސޯނާކްޝީ ސިންހާއެވެ.
ސޯނާކްޝީ ބޮލީވުޑަށް ތަޢާރަފް ވެގެން ގޮސްފއި ވަނީ ވެސް ސަލްމާނާ އެކު 2010 ވަނަ އަހަރު ރިލީޒް ކުރި "ދަބަންގް" އިންނެވެ. މި ފިލްމަށް ވަނީ ބޮޑު ކާމިޔާބީއެއް ލިބިގެން ގޮސްފައެވެ.
ޕްރަބޫދޭވާ ޑައިރެކްޓް ކުރާ މި ފިލްމްގެ ޕްރޮޑިއުސަރަކީ އަރްބާޒް ޚާން އެވެ.
