ހުޅުމާލެ ޓްރެކް ސަރަހައްދު ސާފުކުރުން ހޮނިހިރު ދުވަހު ހެނދުނު!
16 އޮކްޓޯބަރު 2020 | ހުކުރު 21:00މި ހަރަކާތް ކުރިއަށް ދާނީ ހޮނިހިރު ދުވަހުގެ ހެނދުނު 7:00 އިން ފެށިގެން 10:00އަށް
ހުޅުމާލެ އަކީ ގިނަ އަދަދެއްގެ މީހުން މިހާރު ދިރިއުޅެމުންދާ އަވަށެއް
ހުޅުމާލެ އިރުމަތީ ފަރާތު ޓްރެކް ސަރަހައްދު ސާފު ކުރުމުގެ ހަރަކާތެއް ހޮނިހިރު ދުވަހު ކުރިއަށްދާނެ ކަމަށް ހައުސިން ޑިވެލޮޕްމަންޓް ކޯޕަރޭޝަނުން ބުނެފިއެވެ.
މިއީ ހުޅުމާލެ އިރުމަތީ ފަރާތު ޓްރެކް ސަރަހައްދުގެ ބޭނުން ކުރާ ފަރާތްތަކަށް އެ ސަރަހައްދުގައި އުފެދިފައިވާ ކުނި ބުންޏާއި މަރުވެފައިވާ ގައުތަކުގެ ސަބަބުން ދަތިތަކާއި ކުރިމަތިވަމުން ދާތީ ރައްޔިތުންގެ މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒްގެ އިސްނެންގެވުމަށް ހިންގޭ ހަރަކާތެއް ކަމަށް އެޗްޑީސީން ބުންޏެވެ.
އެގޮތުން ހޮނިހިރު ދުވަހުގެ ހެނދުނު 7:00ން ފެށިގެން 10:00ށް ހުޅުމާލެ ޓްރެކް ސަރަހައްދުގައި ސާފު ކުރުމުގެ މި ހަރަކާތް ކުރިއަށްދާނެއެވެ.
އަދި މިމަސައްކަތް ކުރުމަށް ހަމަޖެހިފައިވަނީ ކޮވިޑް-19 އާ ގުޅިގެން އެޗްޕީއޭއިން ކަނޑައަޅާފައިވާ އުސޫލާ އެއްގޮތްވާ ގޮތުގެ މަތިން އާންމުން އެއްވެ އުޅުމުގެ މިންގަނޑުތަކާއި ޚިލާފުނުވާނެ ފަދަ ގޮތަކަށް ރާވައިގެން ކަމަށް އެޗްޑީސީން ބުންޏެވެ.
