ފަތުރުވެރިންގެ ކޮވިޑް ޓެސްޓު ނަތީޖާގެ ވެލިޑިޓީ 96 ގަޑިއިރަށް އިތުރުކޮށްފި
14 އޮކްޓޯބަރު 2020 | ބުދަ 12:33މިބަދަލު ގެނެސްފައިވަނީ އޮކްޓޯބަރު 14 ވަނަ ދުވަހުން ފެށިގެން
ރާއްޖޭގެ ބޯޑަރުތައް އަލުުން ހުޅުވާލި ދުވަހު އައި ފުރަތަމަ ފްލައިޓުން ފަތުރުވެރިން ފައިބަނީ، ޖުލައި 15
ދިވެހިރާއްޖެއަށް އަންނަ ފަތުރުވެރިންނަށް ލުޔެއް ދިނުމުގެ ގޮތުން، 96 ގަޑިއިރު ނުވާ ކޮވިޑް ޓެސްޓުގެ ނަތީޖާ ބަލައިގަންނަން ނިންމައިފިއެވެ.
ޓޫރިޒަމް މިނިސްްޓްރީން ކުރި ޓްވީޓެއްގައި ބުނެފައިވަނީ، ފަތުރުވެރިން ހުށައަޅަންޖެހޭ ޕީސީއާރް ޓެސްޓުގެ ނަތީޖާގެ ވެލިޑިޓީ ވަގުތު 72 ގަޑިއިރުން 96 ގަޑިއިރަށް އިތުރުކުރަން ނިންމާފައިވާ ކަމަށެވެ.
ރާއްޖެއަށް އެތެރެވާ ފަތުރުވެރިންގެ އުސޫލަށް ބަދަލު ގެނެސްފައި މިވަނީ ގެސްޓްހައުސްތައް ހުޅުވާލަން ނިންމާފައިވާ ތާރީހާ ދިމާކޮށްފައެވެ. ޝަރުތު ހަމަވާ ރަށްތަކުގެ ގެސްޓްހައުސްތައް ފަތުރުވެރިންނަށް ހުޅުވާލުމަށް ހުއްދަ ދީފައިވަަނީ އޮކްޓޫބަރު މަހުގެ 15 އިން ފެށިގެންނެވެ.
ރާއްޖެއިން ކޮވިޑް-19 ފެނުމާއި ގުޅިގެން ގެސްޓްހައުސްތަކާއި ސިޓީ ހޮޓާތަކަށް ފަތުރުވެރިން ގެނައުން މަނާކުރީ މާރޗް މަހުގެ 17 ގައެވެ. ފުރަަތަމަ 14 ދުވަހަށް ވަކި މުއްދަތެއް ނެތް ގޮތަށް މި ނިންމުން ދައްމާލީ މާރޗް މަހުގެ 31 ގައެވެ.
