ޓެސްޓުތައް ހެދުމަށްފަހު ކުޑަކުއްޖާ ހޮސްޕިޓަލުން ދޫކޮށްލައިފި
އެ ކުއްޖާ މާލެ ގެނެވުނީ ކުއްޖާގެ ބޮޑުދައިތަގެ ބެލުމުގެ ދަށުން
އެ ކުއްޖާ މާލެ ގެނެވުނީ ކުއްޖާގެ ބޮޑުދައިތަގެ ބެލުމުގެ ދަށުން ހުކުރު ދުވަހުގެ ރޭގަ
ގއ. ކަނޑުހުޅުދޫގައި ޖިންސީ އަނިޔާލިބުނު 2 އަހަރުގެ ކުޑަކުއްޖާ ޓެސްޓުތައް ހެދުމަށްފަހު ހޮސްޕިޓަލުން ދޫކޮށްލައިފިއެވެ.
ރާއްޖެއެމްވީއަށް މައުލޫމާތު ލިބިފައިވާގޮތުގައި އެ ކުއްޖާ މިހާރު ހޮސްޕިޓަލުން ވަނީ ދޫކޮށްލާފައެވެ. އެ ކުއްޖާ މާލެ ގެނެވުނީ ކުއްޖާގެ ބޮޑުދައިތަގެ ބެލުމުގެ ދަށުން ހުކުރު ދުވަހުގެ ރޭގައެވެ.
އެއް ޢާއިލާއަކަށް ނިޞްބަތްވާ ތިން ފިރިހެނަކު ހިމެނޭ ގޮތަށް ދެ އަހަރުން ދަށުގެ ކުއްޖަކަށް ޖިންސީ އަނިޔާ ކުރިކަމުގެ ތުހުމަތުކުރެވޭ މައްސަލައިގައި، އަނިޔާ ލިބުނު ކުޑަ އަންހެން ކުއްޖާއާ ގުޅޭގޮތުން މޯލްޑިވްސް ޕޮލިސް ސަރވިސްއާއި މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއަށް މަޢުލޫމާތު ލިބިފައިވަނީ ބުދަ ދުވަހުގެ ހަވީރު 1630 ހާއިރުއެވެ.
ފުލުހުން ބުނީ ކުއްޖާގެ ބޮޑުދައިތައަށް ގިނަ ދުވަސްތަކެއް ވަންދެން ކުއްޖާ ބެލެހެއްޓުމުގެ ޒިންމާއާ ޙަވާލުވުމުގައި ދަތިތަކެއް ހުރުމާއެކު، ކުއްޖާ ބެލެހެއްޓުމުގެ ޒިންމާ ޙަވާލުކުރުން އެންމެ ރަނގަޅު ފަރާތެއްގެ ގޮތުގައި ފާހަގަކުރެވިފައިވަނީ ކުއްޖާގެ މާމަކަމަށެވެ.
އެގޮތުން މާމާއާ ކުއްޖާ ޙަވާލުކުރުމަށާއި، ކުއްޖާއަށް ޖިންސީ އަނިޔާކޮށްފައިވާކަން ފާހަގަކުރެވިފައިވާތީ، ކުއްޖާއަށް ލިބިފައިވާ ގެއްލުންތައް އިތުރަށް ވަޒަންކުރުމަށްޓަކައި ހުކުރު ދުވަހުގެ ރޭ 2030 ހާއިރު ކުއްޖާގެ މަންމަ ފަރާތު ބޮޑުދައިތައެއްގެ ޙަވާލުގައި ކަމާބެހޭ ފަރާތްތަކުގެ ބެލުމުގެ ދަށުން ކުއްޖާ މާލެ ގެނެވި ހޮސްޕިޓަލުގައި އެޑްމިޓްކުރެވިފައިވާ ކަމަށް ފުލުހުން ބުނެއެވެ.
