ޔޫރޮޕާ ލީގުގައި ވާދަކުރަމުން އަންނަ ފްރާންސްގެ އޮލިމްޕިކް ލިޔޯން އާއި ތުރުކީގެ ބެސިކްޓަސް ސަސްޕެންޑުކޮށް ޖޫރިމަނާކޮށްފި އެވެ.
މި މަހު 13 ވަނަ ދުވަހު މުބާރާތުގެ ކުއާޓާ ފައިނަލްގެ ފުރަތަމަ ލެގުގައި ބެސިކްޓަސް އަދި ލިޔޯން ބައްދަލުކޮށްފައިވާއިރު، ދެޓީމުގެ ސަޕޯޓަރުންގެ މެދުގައި ބޮޑެތި ހަމަނުޖެހުންތަކެއް ވަނީ ހިނގާފަ އެވެ.
އެގޮތުން ޔުއެފާ އިން ވަނީ ދެޓީމުވެސް ދެއަހަރަށް މުބާރާތުން ސަސްޕެންޑުކޮށް އެއް ލައްކަ ޔޫރޯ އިން ޖޫރިމަނާކޮށްފައެވެ. ބެސިކްޓަސް އަދި ލިޔޯން ބައްދަލުކުރި ފުރަތަމަ ލެގުގެ މެޗު ސަޕޯޓަރުންގެ ހަމަނުޖެހުމާއެކު ފެށީ 45 މިނެޓު ފަހުންނެވެ. އެ މެޗު 1-2 ގެ ނަތީޖާއިން ކާމިޔާބުކުރީ ލިޔޯން އެވެ.
ލިޔޯން އަދި ބެސިކްޓަސް ބައްދަލުކުރާ ދެވަނަ ލެގުގެ މެޗު ބުރާސްފަތި ދުވަހު ކުޅޭއިރު، މި މެޗު ކުޅޭނީ ތުރުކީގައެވެ. މިދިޔަ މެޗުގައިވެސް ބެސިކްޓަސް އަދި ލިޔޯން އިންވެސް ވަނީ ފަޔާ ވޯކްސް ބޭނުންކޮށްފައެވެ. އެގޮތުން މިއީ ޔުއެފާ އިން މި ދެޓީމަށް ފިޔަވަޅު އެޅި އެއް ސަބަބެވެ.
