ކ. މާލެ
|
17 އޭޕްރިލް 2017 | ހޯމަ 20:21
 ކާލޯ އަންޗެލޯޓީ އަދި ޒިދާން
ކާލޯ އަންޗެލޯޓީ އަދި ޒިދާން
ގޫގުލް
ޗެމްޕިއަންސް ލީގު
ޗެމްޕިއަންސް ލީގް: ކުއާޓާގެ ދެވަނަ ލެގަށް ނުކުންނައިރު ކޯޗުންނަށް ހާސްކަން
 
ހުރިހާ ޓީމަކަށްވެސް ގޮންޖެހުން އެބަހުރި

ޔޫއެފްއާ ޗެމްޕިއަންސް ލީގްގެ ކްއާޓާ ފައިނަލުގެ ދެވަނަ ލެގަށް ނުކުންނައިރު، ވާދަވެރި ޓީމުތަކުގެ ކޯޗުންނަށް ހާސްކަމާ ކުރިމަތިލާން ވަނީ ޖެހިފައެވެ.

 

ކްއާޓާ ފައިނަލުގެ ދެވަނަ ލެގަށް ނުކުންނައިރު އެންމެ ބޮޑު ކަންބޮޑުވުމެއް އޮތީ ޖަރުމަނުގެ ބެޔާން މިއުނިކްގެ ކޯޗް ކާލޯ އަންޗެލޯޓީއަށެވެ.

 

އެގޮތުން ކްއާޓާ ފައިނަލުގެ ދެވަނަ ލެގުގައި ބަޔާން މިއުނިކާއި ރެއާލް މެޑްރިޑް ބައްދަލުކުރާ މެޗުގައި ވެސް ބަޔާންގެ ފޯވަޑް ރޮބަޓް ލެވަންޑޮސްކީ އަށް ކުޅެވޭނެކަމުގެ ޔަގީންކަމެއް އަދި ނެތެވެ.

 

މި ދެޓީމުގެ ފުރަތަމަ ކުރިމަތިލުމުގައި ލެވަންޑޮސްކީއަށް ނުކުޅެވުނީ އަނިޔާގެ ސަބަބުންނެވެ. ނަމަވެސް އޭގެ ފަހުން ފަރިތަކުރުންތަކުގައި ބައިވެރިނަމަވެސް ބުރާސްފަތި ދުވަހުގެ ރޭ ރެއާލްގެ ދަނޑުގައި ކުލޭ މެޗުގައި ވެސް އޭނާއަށް ކުޅެވިދާނެ ކަމާ މެދު ވަނީ ސުވާލު އުފެދިފައެވެ.

 

އަނެއްކޮޅުން ބެޔާންއާ ދެކޮޅަށް ކުއާޓާ ފައިނަލްގެ ފުރަތަމަ ލެގުގައި ކުޅެނިކޮށް އަނިޔާވި ގެރެތު ބޭލްއަށް ވެސް ކުޅެވޭނެކަން އަދި ކަށަވަރެއް ނުވެއެވެ.

 

ބޭލްއަށް އަނިޔާވެފައިވަނީ އޭނާގެ ކުޑަކަޅުވާއަށެވެ. ޗެމްޕިއަންސް ލީގުގެ މެޗުގެ އިތުރުން، ބޭލްއަށް އަލްކްލެސިކޯ ގެއްލުމުގެ ފުރުސަތު ވެސް އެބައޮތެވެ.

 

ކުއާޓާ ފައިނަލްގެ ދެވަނަ ލެގަށް ނުކުންނައިރު ހާސްކަމާއި ކުރިމަތިލާންޖެހިފައިވާ އަނެއް ކޯޗަކީ ބާސެލޯނާގެ ކޯޗު ލުއިސް އެންރީކޭ އެވެ.

 

ފުރަތަމަ ލެގުގައި ޔުވެންޓަސް އަތުން 0-3 އިން ބަލިވެފައި ވާތީ ބުދަ ދުވަހުގެ ރޭ މެޗުގައި ޖާދުލެއް ހަދާނެ ގޮތެއް އެންރީކޭއަށް ވަނީ ހޯދަންޖެހިފައެވެ.

 

ދެ ވަނަ ބުރުގެ ފުރަތަމަ ލެގުން ޕީއެސްޖީ އަތުން 4-0 އިން ބަލިވެފައިވަނިކޮށް ދެ ވަނަ ލެގު 6-1 އިން ކާމިޔާބުކޮށްފާކަން ފާހަގަކޮށްލަން ޖެހެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް