ފާދިއްޕޮޅުގެ ފަސް ސަރަހައްދެއް ހިމާޔަތްކޮށްފި
8 އޮކްޓޯބަރު 2020 | ބުރާސްފަތި 20:48މި ސަރަހައްދުތައް ބެލެހެއްޓުމުގައި ޢަމަލު ކުރާނީ ގަވައިދު ނަންބަރު: 2018/R-78 ދަށުން
ޅ. އަތޮޅުގެ ސެޓެލައިޓް ފުޓޯ
ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާއި ބެހޭ ގާނޫނުގެ ގެ 4 ވަނަ މާއްދާގެ ދަށުން އެންވަޔަރަމަންޓް މިނިސްޓްރީ އަށް ލިބިދޭ ބާރުގެ ދަށުން ފާދިއްޕޮޅުގެ (ޅ.އަތޮޅު) ފަސް ސަރަހައްދެއް ހިމާޔަތް ކޮށްފިއެވެ.
އެންވަޔަރަމަންޓް މިނިސްޓްރީއިން ބުނީ 8 އޮކްޓޯބަރ އިން ފެށިގެން ޅ. އަތޮޅުގެ މާގަނޑު ތިލަ (އެނިމޯން ތިލަ) ސަރަހައްދާއި، ސެއްޅިފުށި ހިރިޔަދޫ ސަރަހައްދާއި، މާކޯ ސަރަހައްދާއި، ވައްވަރާއި ދަނޑިފަޅު ފިނޮޅާއި ދަނޑިފަޅު ކަނޑުއޮޅި ސަރަހައްދު އަދި ދަށުގިރި ފިނޮޅު ސަރަހައްދު ހިމާޔަތް ކޮށްފައިވާ ސަރަހައްދުތަކުގެ ގޮތުގައި ނިންމާފައިވާ ކަމަށެވެ.
އެންވަޔަރަމަންޓް މިނިސްޓްރީއިން އިތުރަށް ބުނީ މި ސަރަހައްދުތައް ބެލެހެއްޓުމުގައި ޢަމަލު ކުރާނީ ގަވައިދު ނަންބަރު: 2018/R-78 (ޤުދުރަތީ ނުވަތަ ޠަބީޢީގޮތުގައި ރައްކައުތެރިކޮށް ދަމަހައްޓާ ތަންތަނާބެހޭ ގަވައިދު) ގައިވާގޮތުގެ މަތިން ކަމަށެވެ.
