ކަރަންޓީނަށް ފަހު ރައްޔިތުންގެ މަޖިލީހުގެ ރައީސް ޖަލްސާގައި ބައިވެރިވެ ވަޑައިގަންނަވައިފި
ރައީސް ނަޝީދު ކަރަންޓީނުގައި ހުންނެވީ އެމަނިކުފާނު އިނގިރޭސިވިލާތަށް ވަޑައިގެން އެނބުރި ވަޑައިގެންނެވުމާއި ގުޅިގެން
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު
ކަރަންޓީނަށް ފަހު ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ޖަލްސާގައި ބައިވެރިވެވަޑައިގެންފި އެވެ.
ބުދަ ދުވަހުގެ ޖަލްސާގައި ރިޔާސަތުގައި މަޖިލީހުގެ ރައީސް، ރައީސް ނަޝީދު އިންނެވިއިރު ރައީސް ނަޝީދު ކަރަންޓީނުގައި ހުންނެވީ އެމަނިކުފާނު އިނގިރޭސިވިލާތަށް ވަޑައިގެން އެނބުރި ވަޑައިގެންނެވުމާއި ގުޅިގެންނެވެ.
ރައީސް ނަޝީދު ނުރަސްމީ ދަތުރުފުޅެއްގައި އިނގިރޭސިވިލާތަށް ފުރާވަޑައިގެންނެވީ، އޯގަސްޓް މަހުގެ 28 ވަނަ ދުވަހުގެ ހެނދުނުގެ ވަގުތެއްގައެވެ. އެމަނިކުފާނު އެނބުރި ވަޑައިގެންނެވީ ސެޕްޓެމްބަރ މަހުގެ 22 ވަނަ ދުވަހު އެވެ. އަދި އޭގެފަހުން މާލެ ވަޑައިގަތުމާއެކު ކަރަންޓީނުގައި ހުންނެވިކަމަށް މަޖިލީހުގެ އިދާރާއިން ވަނީ ބުނެފައެވެ. ރާއްޖޭގައި ކޮވިޑްގެ ބަލިމަޑުކަން އޮތް ދުވަސްވަރެއްގައި، ރާއްޖެއިން ބޭރުން އަންނަ ކޮންމެ ފަރާތެއް ވެސް 14 ދުވަހުގެ ކަރަންޓީން މުއްދަތެއް ފުރިހަމަކޮށް ޓެސްޓް ކުރަން ޖެހެއެވެ.
އެމަނިކުފާނުގެ 14 ދުވަސް ހަމަވެފައިވަނީ އޮކްޓޯބަރ މަހުގެ 6 ވަނަ ދުވަހު އަށެވެ.
ބުދަ ދުވަހުގެ ޖަލްސާ ފައްޓަވަމުން ރައީސް ނަޝީދު ވިދާޅުވީ 6 މެމްބަރަކު އައިސޮލޭޝަންގައި އެބަތިއްބެވި ކަމަށެވެ.
