ކޮވިޑުގެ ބަލިމަޑުކަމުގެ ތެރޭގައި ޓީޗަރުންގެ މުހިއްމު ރޯލު ފެނިގެން ހިނގައްޖެ: ރައީސް ނަޝީދު

ކޮވިޑް-19 ގެ ބަލިމަޑުކަން ތަހައްމަލު ކުރަމުންދާ މި ދަނޑިވަޅުގައި ޓީޗަރުންގެ މުހިއްމުކަން ފާހަގަވެގެން ގޮސްފައިވާ ކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.

ބައިނަލްއަޤުވާމީ ގޮތުން ފާހަގަ ކުރަމުންދާ ޓީޗަރުންގެ ދުވަހުގެ ތަހުނިޔާ އަރިސް ކުރައްވައި ހޯމަ ދުވަހު ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ކޮވިޑުގެ ބަލިމަޑުކަން ތަޙައްމަލު ކުރަމުންދާ މި ޒަމާނާއެކު، ޓީޗަރުންގެ މުހިއްމު ރޯލު އިތުރަށް ފާހަގަވެގެން ގޮސްފައިވާ ކަމަށެވެ.

ރައީސް ނަޝީދު ވިދާޅުވީ، ދަރިންނަށް އުފާވެރި އަދި ކާމިޔާބު މުސްތަޤުބަލެއް ހޯދުމަށްޓަކައި، ސުކޫލަށް ގޮސް އުނގެނުމަކީ ކިހާ މުހިއްމު ކަމެއްކަން ވެސް ފެނިގެން އެނގިގެން ދިޔަ ރައީސް ނަޝީދުގެ ޓްވީޓުގައި ފާހަގަ ކުރެއްވިއެވެ.

ރައީސް ނަޝީދު އެހެން ވިދާޅުވެފައިވާއިރު، ކޮވިޑުގެ ބަލިމަޑުކަން ފެތުރިގެން ދިއުމާ ގުޅިގެން ސުކޫލުތަކާއި ތައުލީމީ ޚިދުމަތް ދޭ ތަންތަން ވަގުތީ ގޮތުން ބަންދު ކުރުމާއެކު، އެކަމުގެ ސަބަބުން ދަރިވަރުންނަށް ބޮޑެތި ގޮންޖެހުންތަކެއް ކުރިމަތިވެގެން ދިޔައެވެ. އެހެން ނަމަވެސް، އެކަމުން ފިލާވަޅު ލިބިގަނެ، ސުކޫލުތަކުގެ ކަނެކްޓިވިޓީ މިހާރަށްވުރެ ހަރުދަނާކޮށް، ކޮވިޑާއެކު ތައުލީމީ ނިޒާމުވެސް ހިންގޭނެ ގޮތްތަކެއް ހޯދުމަށް މަސައްކަތް ކުރަމުން ދާކަމަށް އެޑިއުކޭޝަން މިނިސްޓްރީން ވަނީ ބުނެފައެވެ.