އެމެރިކާގެ މަނަވަރުތައް އުތުރު ކޮރެއާއާ ފެއަށް
މިސްރާބު ބަދަލުކުރި ސަބަބެއް ސާފެއް ނުވޭ
އެމެރިކާގެ ކަނޑުގެ ސިފައިން އޭޕްރީލްމަހުގެ 8 ވަނަ ދުވަހު ބުނެފައި ވަނީ ކާލް ވިންސަން ދަތުރުކުރަމުން ދަނީ ކޮރެއަން ޕެނިންސިއުލާއަށް ކަމަށް
އެމެރިކާގެ މަތިންދާބޯޓް އުފުލާ މަނަވަރާއި އަދި ހަނގުރާމަމަތީ އިތުރު މަނަވަރުތައް ދަތުރުކުރަމުން ދަނީ އުތުރުކޮރެއާ އާ ދިމާލަށް ނޫން ކަމަށާއި އެގައުމާ ދުރަށް ކަމަށް އެ ގައުމުގެ އަސްކަރިއްޔާއިން ބުނެފިއެވެ.
އުތުރުކޮރެއާ އިން ނިއުކްލިއަރ ޓެސްޓް ކުރުމުގައި ފަހަތަށް ނުޖެހި ކުރިޔަށްދަނިކޮށް އެމެރިކާގެ ކަނޑުގެ ސިފައިން އޭޕްރީލްމަހުގެ 8 ވަނަ ދުވަހު ބުނެފައި ވަނީ ކާލް ވިންސަން ދަތުރުކުރަމުންދަނީ ކޮރެއަން ޕެނިންސިއުލާއަށް ކަމަށެވެ.
އެމެރިކާގެ ރައީސް ޑޮނަލްޑް ޓްރަޕް މިދިޔަ ހަފްތާގައި ވިދާޅުވެފައި ވަނީ ކަނޑުގެ ސިފައިންގެ ފައުޖެއް ފޮނުވާފައި ވާނެ ކަމަށެވެ.
ނަމަވެސް ހަފްތާ ނިމުނު އިރު އެ ގްރޫޕް ދަތުުރުކޮށްފައި ވަނީ އުުތުރުކޮރެއާ އާ ދުރަށް އިންޑިއާ ކަނޑަށެވެ.
އެމެރިކާގެ އަސްކަރިއްޔާގެ ޕެސިފިކް ކޮމާންޑުން އަންގާރަ ދުވަހު ބުނީ ޕަރތް އަށް ކުރަން އޮތް ދަތުރު ކެންސަލްކޮށްފައިވާ ކަމަށާއި ނަމަވެސް އޮސްޓްރޭލިއާ އެކު ކުރިން ތާވަލުކުރެވިފައި އޮތް ތަމްރީނުތައް އޭޕްރީލް 8 ވަނަ ދުވަހު ސިންގަޕޫރުން ފުރިފަހުން ފުރިހަމަކޮށްފައިވާ ކަމަށެވެ.
"ހަމަލާދޭ ޓީމް މިހާރު ދަތުރުކުރަމުންދަނީ އަމުރު ކުރެވުނު ގޮތަށް ޕެސިފިކްގެ ހުޅަނގަށް" ކަމަށެވެ.
އެމެރިކާގެ މަނަވަރުތައް މިސްރާބު ބަދަލުކުރީ ގަސްތުގައި ކަމެއް ނުވަތަ އުތުރުކޮރެއާގެ ލީޑަރުގެ އިންޒާރުތަކުގެ ސަބަބުން ކަން ނުވަތަ މުއާސަލާތު ކުރުމުގައި އެރި އޮޅުމަކުން ކަމެއް ސާފު ނުވާ ކަމަށް ބީބީސީގެ މުރާސިލު ބުނެއެވެ.
