އެންދަމަން ފޭބި މާޅެންދޫ މީހަކު ނިޔާވެއްޖެ
ނިޔާވެފައި ވަނީ ނ. މާޅެންދޫ ގެ ރައްޔިތެެއް
މަސްވެރިންތަކެއް މަސްވެރިކަމުގައި ހަރަކާތްތެރިވަނީ
މާލެ އަތޮޅުގައި އެންދަމަން އުޅުނު މަސްވެރިއަކު ނިޔާވެއްޖެއެވެ.
ނިޔާވެފައި ވަނީ ނ. މާޅެންދޫ ގެ ރައްޔިތެކެވެ. އެގޮތުން ރާއްޖެއެމްވީއަށް މައުލޫމާތު ދެއްވަމުން ނ. މާޅެންދޫ ކައުންސިލްގެ ރައީސް ވިދާޅުވެފައިވަނީ ނިޔާވެފައި ވަނީ އެރަށަށް އުފަން އުމުރުން 56 އަހަރުގެ އަބްދުއް ރަޝީދު އަބްދުލްޣަފޫރު ކަމަށެވެ.
މި މީހާ ނިޔާވެފައި ވަނީ އެން ދަމަން މޫދަށް ފައިބައި އުޅުމުގެ ތެރޭގައެވެ. ނަމަވެސް ނިޔާވި ސަބަބު އަދި ސާފު ވެފައެއް ނެތެވެ.
އެމީހާގެ ހަށިގަނޑު މިހާރު އައިޖީއެމްއެޗަށް ވަނީ ގެނެސްފައެވެ. އަދި އަސުރު ނަމާދަށް ފަހު މާލޭގައި ވަޅުލުމަށް ވަނީ ހަމަޖެހިފައެވެ.
ދާދި ފަހުން ބ. އަތޮޅު ރަންގިލި ފަޅުތެރޭގައި ފީނަން އުޅުނު ޒުވާނަކު 30 މީޓަރު އަޑީގައި ނިޔާވެފައި އޮއްވާ ވެސް ވަނީ ފެނިފައެވެ.
މިހާދިޘާގައި ނިޔާވެފައި ވަނީ ބ.ތުޅާދޫ، ފޮނިލުނބޯގެ 21 އަހަރުގެ ޔާފިއު ހުޞައިނެވެ.
އޭނާ ހޯދުމުގެ މަސައްކަތުގައި ފިނޮޅު ރިސޯޓުގެ ތިން ޑައިވަރުން، ކޮކޯ ޕާލްސްގެ އެއް ޑައިވަރަކާއި ވައްކަރު ރިސޯޓްގެ ޑައިވަރުން ކުރަމުން ދަނިކޮށް އޭނާ ހަށިގަނޑު ފެނުނީ ވައްކަރު ރިސޯޓްގެ ޑައިވަރުންނަށެވެ.
