ކުއްތާ ބޭނުންކޮށްގެން އެމްޕީއެލްގައި އޮޕަރޭޝަނެއް ހިންގަނީ
26 ސެޕްޓެމްބަރު 2020 | ހޮނިހިރު 19:12މިއީ ވަކި ޚާއްސަ އޮޕަރޭޝަނެއް ނޫން
ކުއްތާ ބޭނުންކޮށްގެން ކުރިއަށް ގެންދިޔަ އޮޕަރޭޝަނެއްގެ ތެރެއިން
ކުއްތާ ބޭނުންކޮށްގެން ފުލުހުން އޮޕަރޭޝަނެއް ފަށައިފިއެވެ.
ފުލުހުން ބުނީ ޑްރަގް އެންފޯސްމެންޓް ޑިޕާޓްމެންޓްގެ އޮޕަރޭޝަން ޓީމަކުން ކުއްތާ ބޭނުން ކޮށްގެން, މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ތެރޭގައި އޮޕަރޭޝަނެއް ކުރިއަށް ގެންދާ ކަމަށެވެ.
ފުލުހުން ބުނީ އެމްޕީއެލްގައި ކުރިއަށް ގެންދާ އޮޕަރޭޝަނަކީ ވަކި ޚާއްސަ އޮޕަރޭޝަނެއް ނޫން ކަމަށެވެ. މިއީ ދޭތެރެ ދޭތެރެއިން ކުރިއަށްގެންދާ އޮޕަރޭޝަނެއް ކަމަށް ފުލުހުން ބުނެއެވެ.
ފުލުހުން ގެންގުޅެމުންދާ ކުއްތާތަކަކީ މަސްތުވާތަކެތި ދެނެގަތުމަށް ޚާއްސަކޮށް ތަމްރީން ކޮށްފައިވާ ކުއްތާތަކެކެވެ. އެގޮތުން ކުއްތާ ބޭނުންކޮށްގެން ކުރިއަށް ގެންދާ އޮޕަރޭޝަންތަކުގައި ގިނަ އަދަދެއްގެ މަސްތުވާތަކެތި ވެސް އަތުލައިގަނެއެވެ.
މިފަހުން ފުލުހުން ދަނީ މާލޭގެ އިތުރުން އަތޮޅުތެރޭގެ ރަށްތަކުގައި ވެސް މަސްތުވާތަކެތި އަތުލައިގަތުމަށް ޚާއްސަ އޮޕަރޭޝަންތައް ހިންގަމުންނެވެ.
