އިކުއެޓޯރިއަލް ހޮސްޕިޓަލްގައި ފުރަތަމަ ފަހަަރަށް މެކްސިލޯފޭޝަލް ސަރޖަރީއެއް!

އައްޑޫ އިކުއެޓޯރިއަލް ހޮސްޕިޓަލު (އޭއީއެޗް) ގައި ފުރަތަމަ ފަހަރަށް މެކްސިލޯ ފޭޝަލް ސަރޖަރީއެއް ހަދައިފިއެވެ.

އެ ހޮސްޕިޓަލުން މައުލޫމާތުދޭ ގޮތުގައި ބުދަ ދުވަހު ކުރިއަށްގެންދިޔަ މި ސަރޖަރީއަކީ އެ ހޮސްޕިޓަލުގައި ކުރިއަށް ގެންދެވުނު ފުރަތަމަ މެކްސިލޯ ފޭޝަލް ސަރޖަރީއެވެ. އެގޮތުން 5 ގަޑިއިރަށް ކުރިއަށްދިޔަ މި ސަރޖަރީއަކީ 33 އަހަރުގެ އަންހެނެއްގެ ކަތުރުކަށިގަނޑުގައި ރެނދުލައި، މޫނުގެ ކަށިތަކަށް ބޮޑެތި ގެއްލުންތަކެއް ވުމާ ގުޅިގެން ހޮސްޕިޓަލަށް ގެންދެވުނު ކޭސްއެކެވެ.

Advertisement

އޭއީއެޗްއިން މައުލޫމާތުދޭ ގޮތުގައި މި ސަރޖަރީ ކުރިއަށް ގެންގޮސްފައިވަނީ ރާއްޖޭގެ ފުރަތަމަ އޯރަލް އެންޑް މެކްސިލޯފޭޝަލް ސާރޖަން ކަމަށްވާ އައިޖީއެމްއެޗްގެ ޑޮކްޓަރ ފަތުހުﷲ ސައީދެވެ. ޑރ ފަތުހުﷲ އާއެކު މި ސަރޖަރީގައި ބައިވެރިވެފައިވަނީ އޭއީއެޗްގެ ޑޮކްޓަރު އިމާދު މުސްތަފާއާއި، ޑރ ސަހާގެ އިތުރުން، އައިޖީއެމްއެޗްގެ ނަރުހެކެވެ.

އޭގެ އިތުރުން، މިހާރު ބަލި މީހާގެ ޙާލަތު ސްޓޭބަލް ކަމަށާއި، ސަރޖަރީއަށްފަހު މަޑުމަޑުން ޙާލު ރަނގަޅުވަމުން އަންނަ ކަމަށް ހޮސްޕިޓަލުން މައުލޫމާތު ދެއެވެ.