ބުރާސްފަތި 29 އޮކްޓޯބަރ 2020
12 ހެއި
1442 ރަބީއުލް އައްވަލް 12
ފަތިސް 04:36
އިރުއަރާ 05:49
މެންދުރު 11:54
އަސްރު 15:11
އިރުއޮއްސޭ 17:51
އިޝާ 19:04
ޑި ބޮއާ ނެދަލެންޑްސްއާ ހަވާލުވުން

ނެދަލެންޑްސްގެ ކޯޗަކަށް ޑި ބޮއާ ހަމަޖައްސައިފި

  • ޑި ބޮއާ އަކީ ނެދަލެންޑްސްގެ ގައުމީ ފުޓްބޯޅަ ޓީމަށް ތިންވަނައަށް އެންމެ ގިނަ މެޗު ކުޅެދީފައިވާ ކުޅުންތެރިޔާ
  • ނެދަލެންޑްސްގެ ފުޓްބޯޅަ ޓީމުގެ ކޯޗަކަށް ޑި ބޮއާ ހަމަޖައްސާފައިވަނީ 2022 ވަނަ އަހަރު އޮންނަ ވޯލްޑް ކަޕްގެ ނިޔަލަށް

ކ. މާލެ | 25 ސެޕްޓެންބަރ 2020 | ހުކުރު 21:17 | 3,585

ނެދަލެންޑްސްގެ ގައުމީ ފުޓްބޯޅަ ޓީމުގެ ކޯޗު ފްރޭންކް ޑި ބޮއާ - ގެޓީ އިމޭޖާސް

ނެދަލެންޑްސްގެ ގައުމީ ފުޓްބޯޅަ ޓީމުގެ ކޯޗަކަށް ނެދަލެންޑްސްގެ ކުރީގެ ޑިފެންޑަރު ފްރޭންކް ޑި ބޮއާ ހަމަޖައްސައިފިއެވެ.

ޑި ބޮއާ އަކީ ނެދަލެންޑްސްގެ ގައުމީ ފުޓްބޯޅަ ޓީމަށް ތިންވަނައަށް އެންމެ ގިނަ މެޗު ކުޅެދީފައިވާ ކުޅުންތެރިޔާއެވެ. ޑި ބޮއާ ނެދަލެންޑްސްގެ ފުޓްބޯޅަ ޓީމާ ހަވާލުވީ މިދިޔަ އޮގްސްޓް މަހު ރޮނާލްޑް ކޫމަން ބާސެލޯނާއާ ހަވާލުވުމާ ގުޅިގެންނެވެ. އެއާއެކު މި މަހުގެ ކުރީކޮޅު ޔުއެފާ ނޭޝަންސް ލީގުގައި ނެދަލެންޑްސްއިން ކުޅުނު ދެ މެޗުގައި އިރުޝާދު ދީފައިވަނީ ކުރީގެ އެސިސްޓަން ކޯޗު ޑްވައިޓް ލޮޑެވެޔެސްއެވެ.

ނެދަލެންޑްސްގެ ފުޓްބޯޅަ ޓީމުގެ ކޯޗަކަށް އުމުރުން 50 އަހަރުގެ ޑި ބޮއާ ހަމަޖައްސާފައިވަނީ 2022 ވަނަ އަހަރު އޮންނަ ފީފާ ވޯލްޑް ކަޕްގެ ނިޔަލަށެވެ. އަދި އެ ޓީމުގެ އެސިސްޓަންޓް ކޯޗަކަށް ކުރީގެ ފޯވާޑް ރޫޑް ވެން ނިސްޓެލްރޫއީ ވަނީ ހަމަޖައްސާފައެވެ.

ޑި ބޮޔާ އެންމެ ފުރަތަމަ ކޯޗިންގެ ކެރިއަރު ފަށާފައިވަނީ އަޔަކްސްއިންނެވެ. އަޔެކްސްގައި ހޭދަކުރި ފަސް ސީޒަނުގެ ތެރެއިން ހަތަރު ފަހަރު އެ ޓީމަށް ޑި ބޮއާ ވަނީ ނެދަލެންޑްސް ލީގު ހޯދައިދީފައެވެ.

އޭގެ ފަހުން 2016 ވަނަ އަހަރު ޑި ބޮއާ އިންޓަ މިލާނާ ހަވާލުވި ނަމަވެސް، އިންޓަގެ ކޯޗުކަމުން 14 މެޗަށްފަހު އޭނާ ވަނީ ވަކިކޮށްފައެވެ. އަދި އޭގެ ފަހުން ކްރިސްޓަލް ޕެލަސްއާ އޭނާ ހަވާލުވިއިރު، ފަސް މެޗަށްފަހު އެ ޓީމުގެ ކޯޗުގެ މަގާމުންވެސް ޑި ބޮއާ ވަކިކުރިއެވެ. އެންމެ ފަހުން ޑި ބޮއާ އިރުޝާދު ދީފައިވަނީ އެމެރިކާގެ މޭޖާ ލީގުގައި ވާދަކުރަމުން އަންނަ އެޓަލާންޓާ ޔުނައިޓެޑަށެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.