ޕާކިސްތާނުގައި ބާއްވާ ސާކް ސަމިޓް ލެވެލް މީޓް ފަސްކުރަން ހުށައަޅައިފި

ޕާކިސްތާނުގައި ބޭއްވުމަށް ހަމަޖެހިފައިވާ 19 ވަނަ ސާކް ސަމިޓް ލެވެލް މީޓް ބޭއްވުން ފަސްކުރުމަށް ހުށައަޅައިފިއެވެ.

މިގޮތަށް ހުށައަޅާފައިވަނީ ކޮވިޑް-19 އާއި ގުޅިގެންނެވެ. ސާކް ސަމިޓް ބޭއްވުން ލަސްކުރުމަށް ނިންމާފައިވަނީ ބުރާސްފަތި ދުވަހު ބޭއްވުނު ސާކް ކައުންސިލްގެ މިނިސްޓަރުންގެ ބައްދަލުވުމުގައެވެ.

ބައެއް މީޑިއާތަކުން ރިޕޯޓުކޮށްފައިވާގޮތުން، މިއީ ސާކް ސަމިޓް ބޭއްވުން އެންމެ ރަނގަޅު ނޫން ވަގުތު ކަމަށް ގިނަ ގައުމުތަކުން ވަނީ އިއްތިފާގުވެފައެވެ. އެއީ މިވަގުތަކީ ހުރިހާ ގައުމެއްވެސް ކޮވިޑާއި ދެކޮޅަށް މަސައްކަތްކުރަމުންދާ ވަގުތަކަށް ވާތީއެވެ. މި ހަމަލާގައި 40 މީހަކު ވަނީ މަރުވެފައެވެ.

އިންޑިއާއިން ވަނީ ޓެރަރިސްޓް ހަމަލާއަކާއި ގުޅިގެން 2016 ވަނަ އަހަރު އެ އިވެންޓު ބޮއިކޮޓްކޮށްފައެވެ. އޭގެ ފަހުން ޕާކިސްތާނުން ދަނީ އެގައުމުގައި ސާކު ސަމިޓް ލެވެލް މީޓިންގ ބޭއްވޭތޯ މަސައްކަތް ކުރަމުންނެވެ. އިންޑިއާއިން ވަނީ ޕާކިސްތާނުގައި ސާކް ސަމިޓް ބާއްވާނަމަ، ރައްކާތެރި މާހައުލެއް ގާއިމުކޮށްދިނުމަށް އެދި ގޮވާލާފައެވެ.