އިންޓަރނެޓް ސޭފްޓީއާ ގުޅުންހުރި ވެބިނާރ އެއް ބާއްވަނީ!
23 ސެޕްޓެމްބަރު 2020 | ބުދަ 10:01މި ވެބިނާރ ކުރިޔަށްދާނީ 25 ސެޕްޓެމްބަރުގައި
އިންޓަރނެޓް ސޭފްޓީ ވެބިނާރ
މަހަލްދީބް ފައުންޑޭޝަންގެ ފަރާތުން ބެލެނިވެރިންނަށް ޙާއްސަކޮށްގެން އިންޓަރނެޓް ސޭފްޓީއާ ގުޅުންހުރި ވެބިނާރ އެއް ބޭއްވުމަށް ނިންމައިފިއެވެ.
މިއީ "ތިބާގެ ދަރިފުޅު އިންޓަރނެޓް ބޭނުންކުރަނީ ރައްކާތެރި ގޮތުގައިކަން ޔަޤީންތޯ؟"، މި ނަމުގައި ގެންދާ ވެބިނާރއެކެވެ. މި ވެބިނާރ ކުރިޔަށްދާނީ 25 ސެޕްޓެމްބަރު ހުކުރު ދުވަހުގެރޭ 20:45 އިން 23:00 އަށެވެ. މިއީ ހިލޭ ކުރިއަށް ގެންދާ ވެބިނާއެކެވެ.
ވެބިނާރގައި ބައިވެރިވާން ބޭނުންވާ ފަރާތްތަކަށް މިލިންކް މެދުވެރިކޮށް ނަންނޯޓު ކުރެވޭނެ ކަމަށް މަހަލްދީބް ފައުންޑޭޝަނުން ބުންޏެވެ.
https://forms.gle/XYKirTyAeJN3rYnU9
މި ވެބިނާރގައި އިންޓަރނެޓް ބޭނުން ރައްކާތެރިގޮތުގައި ހިފުމުގެ މުހިންމުކަމާއި، އިންޓަރނެޓުން ކުދިންނަށް ފޯރާފާނެ ނޭދެވޭ އަސަރުތަކާއި، ކުޑަކުދިންނަށް އަމާޒުކޮށްގެން މުޖްރިމުން ހިންގާ ބައެއް ނޭދެވޭ ކަންކަމުގެ މަޢުލޫމާތާއި، ދަރިން އިންޓަނެޓް ބޭނުންކުރަނީ ރައްކާތެރި ގޮތުގައި ކަން ކަށަވަރުކުރުމަށް ބޭނުންކުރެވިދާނެ ބައެއް ޓޫލްތަކާ ގުޅޭ މަޢުލޫމާތަށް އަލި އަޅުވައިލެވޭނެއެވެ.
މިމިވެބިނާރގައި މަޢުލޫމާތު ދެއްވާނީ ހިރާ ސްކޫލްގެ ބޯޑް މެމްބަރ އަލްއުސްތާޛް މުހައްމަދް އަނީލް އާއި އެމްއާރްއީއައިސީގެ ޖެނެރަލް މެނޭޖަރ އަހްމަދް ނަސީމްއެވެ.
އުސްތާޛް އަނީލްއަކީ ދަރިން ތަރުބިއްޔަތު ކުރުމުގެ ދާއިރާއިން 100 އަށްވުރެ ގިނަ ސެޝަން ނަންގަވާދެއްވާފައިވާ ބޭފުޅެކެވެ. އަދި އަޙްމަދު ނަސީމް އަކީ ނެޓްވަރކިންގ ގެ ދާއިރާއިން މަތީ ތަޢުލީމް ޙާސިލް ކުރައްވާފައިވާ ބޭފުޅެކެވެ.
