ރަސްމާދޫ ބަނދަރު: މިހާރު ކުރިއަށް ދަނީ ފަޅު ފުންކުރުމުގެ މަސައްކަތް
މިއީ 21 މިލިއަން ރުފިޔާގެ މަޝްރޫއެއް
ރަސްމާދޫ ފަޅު ފުންކުރުމުގެ މަސައްކަތުގަެި އެކްސްކަވޭޓަރެއް ހަރަކާތްތެރިވަނީ
ރ. ރަސްމާދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 11 ޕަސެންޓް ނިމިއްޖެއެވެ.
އެމްޓީސީސީން މި މަޝްރޫއާ ބެހޭގޮތުން މައުލޫމާތު ދެމުން ބުނެފައިވަނީ, ބަނދަރު ފުންކުރުމުގެ މަސައްކަތުގެ 10 ޕަސެންޓް ވަނީ ނިމިއްޖެ ކަމަށެވެ. މި މަޝްރޫޢުގެ ދަށުން 9،000 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 377 މީޓަރުގެ ސަރަހައްދެއްގައި ބޭރުތޮށި ލުމާއި، 600 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމާއި، ނެރުބައްތި އާއި މަގުބައްތި ޖެހުން ހިމެނެއެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުއަކީ 21.91 މިލިއަން ރުފިޔާގެ މަޝްރޫއެކެވެ. މި މަޝްރޫޢު ހަވާލު ކުރެވިފައިވަނީ 10 ޑިސެމްބަރ 2019 ގައެެވެ.
