ސައުދީއިން އިތުރު 551 މީހުން ކޮވިޑަށް ޕޮޒިޓިވް ވެއްޖެ
މިދިޔަ 24 ގަޑިއިރު ތެރޭގައި އެގައުމުން ކޮވިޑްގެ ބަލީގައި 28 މީހުން ވަނީ މަރުވެފައި
ސައުދި އަރަބިއްޔާގައި ކޮވިޑަށް ރޭންޑަމް ސާމްޕަލިންގ ނަގަނީ
ސައުދި އަރަބިއްޔާއިން އިތުރު 551 މީހުން ކޮވިޑަށް ޕޮޒިޓިވްވެ, 28 މީހުން މިދިޔަ 24 ގަޑިއިރު ތެރޭގައި މަރުވެފައިވާ ކަމަށް އެ ގައުމުގެ ސިއްހަތާއި ބެހޭ ވުޒާރާއިން ބުނެފިއެވެ.
ސައުދީގެ ސިއްހަތާއި ބެހޭ ވުޒާރާއިން ބުނީ މިދިޔަ 24 ގަޑިއިރު ތެރޭގައި އެގައުމުން ކޮވިޑްގެ ބަލީގައި 28 މީހުން މަރުވެފައިވާއިރު ބައްޔަށް 551 މީހުން ޕޮޒިޓިވްވެފައިވާ ކަމަށެވެ. އަދި މި އަދަދަކީ މިދިޔަ މަސް ދުވަހުގެ ތެރޭގައި ބައްޔަށް ޕޮޒިޓިވްވި މީހުންގެ އަދަދު މިހާތަނަށް ދަށްވި ފުރަތަމަ ފަހަރު ކަމަށް އެ ގައުމުގެ ސިއްހަތާއި ބެހޭ ވުޒާރާއިން ބުނެފިއެވެ.
ސައުދީގެ ސިއްހަތާއި ބެހޭ ވުޒާރާގެ ތަރުޖަމާނު ވިދާޅުވީ އެ ގައުމުން ކޮވިޑް-19 ކޮންޓްރޯލް ކުރުމަށް ކުރަމުން އަންނަ މަސައްކަތުގައި އަލި މަގުތައް ފެންނަމުން އަންނަ ކަމަށާއި، ކުރިޔަށް އޮތް ތަނުގައި މި އަދަދުތައް ދަށްވާނެ ކަމަށެ. އަދި ވެކްސިން ލިބުނުހާ އަވަހަކަށް ސައުދީގެ ރައްޔިތުންނަށް ވެކްސިން ދިނުމުގެ ކަންކަން ހަމަޖެއްސުމަށް މަސައްކަތް ކުރަމުން އަންނަ ކަމަށް ތަރުޖަމާނު ވިދާޅުވިއެވެ.
ސައުދީ އަކީ މުޅި ދުނިޔެއިން 16 ވަނަ އަށް ކޮވިޑް-19 އަށް އެންމެ ގިނަ މީހުން ޕޮޒިޓިވްވި ގައުމެވެ.
