ޗަޕެކޮއެންސުން އަނެއްކާވެސް ދުނިޔެ ސިއްސުވާލައިފި

ޗަޕެކޮއެންސްގެ ކުޅުންތެރިން ދަތުރުކުރަމުންދިޔަ ފްލައިޓް ވެއްޓި ގިނަ ކުޅުންތެރިންތަކެއް މަރުވި ހާދިސާއަށް 5 މަސް ނުވަނީސް ޗާޕޭން ލީގް ތަށި ކާމިޔާބުކޮށް އަނެއްކާވެސް ދުނިޔެ ސިއްސުވާލައިފި އެވެ.

މީގެ 5 މަސް ކުރިން އެކުލަވާލި އާސްކޮޑާއެކު އެޓީމުން ފުރަތަމަ ތަށި ކާމިޔާބު ކުރީ ޖޮއިންވެލް 0-2 އިން ބަލި ކުރުމަށްފަހުއެވެ.

ޗަޕެކޮއެންސް ޓީމުގެ 19 ކުޅުންތެރިން މަރުވި ހާދިސާއަށް އެންމެ 137 ދުވަސް ވީއިރު ޗާޕޭން ލީގް ތަށި ކާމިޔާބު ކުރުމާއި ގުޅިގެން އެޓީމަށް ދަނީ ފުޓްބޯޅައަށް ލޯބިކުރާ ފަރާތްތަކުން މަރުހަބާގެ މެސެޖްތައް ފޮނުވަމުންނެވެ.

ބްރެޒިލްގެ ފުރަތަމަ ޑިވިޝަނަށް 2014 ވަނަ އަހަރު ކޮލިފައިވި ޗަޕެކޮއެންސްގެ ޓީމުގެ ކުޅުންތެރިންނާއި ފަޅުވެރިންގެ އިތުރުން 21 ޖާނަލިސްޓުންނާއެކު ޖުމްލަ 77 މީހުން ބޯޓުގައި ދަތުރު ކުރިއެވެ. އޭގެތެރެއިން ފްލައިޓް ވެއްޓުމުގެ ހާދިސާގައި ސަލާމަތްވިކަމަށް ބެލެވެނީ ހަ މީހުންނެވެ.