މޯލްޑިވްސް ވާރޗުއަލް ޓުއަރ އެކްސްޕޯ ރާއްޖެއަށް ތަޢާރަފް ކުރަނީ

މޯލްޑިވްސް ވާރޗުއަލް ޓުއަރ އެކްސްޕޯ ރާއްޖެއަށް ތަޢާރަފް ކުރަން ނިންމައިފިއެވެ.

މޯލްޑިވްސް ވާރޗުއަލް ޓުއަރ އެކްސްޕޯ އަކީ ވާރޗުއަލް ކޮންސިއުމަރ ޓްރެވެލް ފެއަރއެކެވެ. މިފެއަރގެ ތެރެއިން ރާއްޖެއަށް އަންނަން ބޭނުންވާ ފަތުރުވެރިންނަށް އެ ގައުމެއްގައި ތިބެގެން ރާއްޖެއާއި ބެހޭ މައުލޫމާތާއި، އަދި ރާއްޖޭގެ ރީތިކަން ފެނިގެންދާނެއެވެ.

Advertisement

މޯލްޑިވްސް ވާރޗުއަލް ޓުއަރ، 'ދަ ބްރެތް ޓޭކިން 360 ޑިގްރީ ވޯރޗުއަލް ޓުއާސް އޮފް މޯލްޑިވްސް' އިން އިންތިޒާމް ކޮށްގެން ބާއްވާ މިފެއަރ ކުރިއަށް ގެންދިއުމަށް ހަމަޖެހިފައިވަނީ ހަފްތާއެއްގެ މުއްދަތަށެވެ.

އެގޮތުން ތަފާތު ގޭމްތަކާއި ހާއްސަ ޕަޒްލް އެއްވެސް ކުރިއަށް ގެންދިއުމަށް ވަނީ ހަމަޖެހިފައެވެ. އެގޮތުން ފެއަރ ނިމޭއިރު މިޕަޒްލް ފުރިހަމަ ކުރާ ފަރާތްތަކަށް ހާޢްސަ ލަކީ ޑްރޯއެއްގައި ބައިވެރިވެ، އަގު ހުރި އިނާމްތަކެއް ލިބިގެންދާނެއެވެ.

އަދި މިފެއަރގައި ބައިވެރިވާ ފަރާތްތަކަށް ރާއްޖޭގެ ރިސޯޓްތަކުގެ އެންމެ ފަހުގެ މައުލޫމާތާއި، ރިސޯޓްތަކުގެ މައުލޫމާތު ހޯދުމަށް ލައިވް ކޯލް ކުރުމާއި އަދިވެސް މިނޫން ތަފާތު ގިނަ މައުލޫމާތު ފޯރުކޮށް ދިނުމަށް ވަނީ ހަމަޖެހިފައެވެ.

މޯލްޑިވްސް ވާރޗުއަލް ޓުއަރ އަކީ އޯރކާ މީޑިއާ ގުރޫޕުގެ ޕްރޮޑަކްޓެކެވެ. އަދި މިއީ ރާއްޖޭގެ އެންމެ ލީޑިން މީޑިއާ މާރކެޓިން ފާމެވެ.

މި އެކްސްޕޯ ބާއްވާނެ ވަކި ތާރީހެއް އަދި އިއުލާންކޮށްފައެއް ނުވެއެވެ.