ހުކުރު 18 ސެޕްޓެންބަރ 2020
12 އުތުރަ
1442 މަހައްރަމް 30
ފަތިސް 04:44
އިރުއަރާ 05:55
މެންދުރު 12:04
އަސްރު 15:06
އިރުއޮއްސޭ 18:06
އިޝާ 19:17
އިވަނޮވިޗް ވެސްޓް ބްރޮމަށް ބަދަލުވުން

ޗެލްސީގެ ކުރީގެ ޑިފެންޑަރު އިވަނޮވިޗް ވެސްޓް ބްރޮމަށް

  • އިވަނޮވިޗް ވެސްޓް ބްރޮމާ ގުޅުނީ އެއް އަހަރުގެ އެއްބަސްވުމެއްގެ ދަށުން
  • ޗެލްސީން ވިދާލި އިވަނޮވިޗް ވަނީ އެޓީމުގައި ނުވަ ސީޒަން ހޭދަކޮށްފައި

ކ. މާލެ | 15 ސެޕްޓެންބަރ 2020 | އަންގާރަ 22:19 | 2,459

ޗެލްސީއަށް މީގެ ކުރިން ކުޅުނު ސާބިއާގެ ޑިފެންޑަރު ބްރަންސިލާވް އިވަނޮވިޗް - ގެޓީ އިމޭޖާސް

ޗެލްސީއަށް މީގެ ކުރިން ކުޅުނު ސާބިއާގެ ޑިފެންޑަރު ބްރަންސިލާވް އިވަނޮވިޗް ވެސްޓް ބްރޮމާ ގުޅިއްޖެއެވެ.

ޒެނިތު ސެއިންޓް ޕީޓާސްބާގަށް ކުޅެމުން އައި އުމުރުން 36 އަހަރުގެ ޑިފެންޑަރު ވެސްޓް ބްރޮމާ ގުޅުނީ އެއް އަހަރުގެ އެއްބަސްވުމެއްގެ ދަށުންނެވެ.

މީގެ ކުރިން އިނގިރޭސި ޕްރިމިއާ ލީގުގައި ނުވަ ސީޒަން ހޭދަކުރި އިވަނޮވިޗް، ވެސްޓް ބްރޮމާ ގުޅުމަށްފަހު ބުނީ ޕްރިމިއާ ލީގަކީ ޔޫރަޕްގެ އެންމެ ބޮޑު ލީގު ކަމަށާއި، އެނބުރި ޕްރިމިއާ ލީގަށް ބަދަލުވެވުމުން އުފާވާ ކަމަށެވެ. އަދި ވެސްޓް ބްރޮމަކީ އޭނާގެ ކެރިއަރުގައި އައު ޗެލެންޖެއް ކަމަށާއި، މި ސީޒަނުގައި ވެސްޓް ބްރޮމާއެކު ރަނގަޅު މަސައްކަތްތަކެއް ކުރަން ބޭނުންވާ ކަމަށްވެސް އިވަނޮވިޗް ބުންޏެވެ.

ޗެލްސީން ވިދާލި އިވަނޮވިޗް ވަނީ އެޓީމުގައި ނުވަ ސީޒަން ހޭދަކޮށްފައެވެ. އެގޮތުން ޗެލްސީއަށް ކުޅެދިން 377 މެޗުގައި އޭނާ ވަނީ 34 ލަނޑު ކާމިޔާބުކޮށްފައެވެ. އަދި އިވަނޮވިޗް ވަނީ ޗެލްސީއާއެކު ޕްރިމިއާ ލީގު ތިން ފަހަރު، އެފްއޭ ކަޕް ތިން ފަހަރު އަދި ޔުއެފާ ޗެމްޕިއަންސް ލީގު އެއް ފަހަރު ކާމިޔާބުކޮށްފައެވެ.

ޗެލްސީގައި ކާމިޔާބު ސީޒަންތަކެއް ހޭދަކުރުމަށްފަހު އިވަނޮވިޗް ޒެނިތަށް ބަދަލުވީ 2017 ވަނަ އަހަރު، ދެ އަހަރާ ބައިގެ އެއްބަސްވުމެއްގެ ދަށުންނެވެ. އެގޮތުން އޭނާ ވަނީ ޒެނިތަށް ކުޅެދިން 125 މެޗުގައި 12 ލަނޑު ކާމިޔާބުކޮށްފައެވެ.

ޕްރިމިއާ ލީގުގައި ވާދަކުރަމުން އަންނަ ޗެސްޓް ބްރޮމާ އިވަނޮވިޗް ގުޅުނިއިރު، އައު ސީޒަނުގެ ޕްރިމިއާ ލީގުގެ ފުރަތަމަ މެޗުގައި މިދިޔަ އާދީއްތަ ދުވަހުގެރޭ ވެސްޓް ބްރޮމް ވަނީ ލެސްޓާ ސިޓީއާ ދެކޮޅަށް ކުޅެފައެވެ. އެ މެޗުން ވެސްޓް ބްރޮމް ބަލިވީ 3-0 ގެ ނަތީޖާއަކުންނެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.