ބުރާސްފަތި 01 އޮކްޓޯބަރ 2020
11 އަތަ
1442 ސަފަރު 13
ފަތިސް 04:41
އިރުއަރާ 05:52
މެންދުރު 12:00
އަސްރު 15:08
އިރުއޮއްސޭ 18:00
އިޝާ 19:11
އިނގިރޭސި ޕްރިމިއާ ލީގު

ފުރަތަމަ މެޗުގައި ބްރައިޓަން އަތުން ޗެލްސީއަށް މޮޅެއް

  • ބްރައިޓަން އަތުން ޗެލްސީ މޮޅުވީ 3-1 ގެ ނަތީޖާއަކުން
  • މި މެޗުގައި ޗެލްސީއާ އަލަށް ގުޅުނު ކުޅުންތެރިންގެ ފަރާތުން އެންމެ އެދެވޭ ކުޅުމެއް ފެނިފައެއް ނުވޭ

ކ. މާލެ | 15 ސެޕްޓެންބަރ 2020 | އަންގާރަ 02:40 | 3,971

ބްރައިޓަނާއި ޗެލްސީ ބައްދަލުކުރި މެޗުގެ ތެރެއިން: މި މެޗުން ޗެލްސީ މޮޅުވީ 3-1 ން - ގެޓީ އިމޭޖާސް

އިނގިރޭސި ޕްރިމިއާ ލީގުގައި ކުޅުނު ފުރަތަމަ މެޗުން ބްރައިޓަން އަތުން ޗެލްސީ މޮޅުވެއްޖެއެވެ.

މިފަހަރުގެ އައު ސީޒަނާ ޗެލްސީން ކުރިމަތިލާފައިވަނީ ބޮޑެތި ބަދަލުތަކާއެކުއެވެ. އެގޮތުން އައު ސީޒަނަށް ޗެލްސީން ހަތް ކުޅުންތެރިއެއްގެ ސޮއި ހޯދިއިރު، އެޓީމުން ވަނީ މިހާތަނަށް މި ޓްރާންސްފާ ބާޒާރުގައި 200 މިލިޔަން ޕައުންޑް ޚަރަދުކޮށްފައެވެ.

މި ބަދަލުތަކާއެކު ކުޅުނު ޗެލްސީން ފުރަތަމަ މެޗުގައި ބްރައިޓަން އަތުން މޮޅުވީ 3-1 ގެ ނަތީޖާއަކުންނެވެ. އެކަމަކު މި މެޗުގައި ޗެލްސީއާ އަލަށް ގުޅުނު ކުޅުންތެރިންގެ ފަރާތުން އެންމެ އެދެވޭ ކުޅުމެއް ފެނިފައެއް ނުވެއެވެ.

ބްރައިޓަންގެ ދަނޑުގައި ހޯމަ ދުވަހުގެރޭ ކުޅުނު މެޗުގައި އެންމެ ފުރަތަމަ ލަނޑު ޖަހާ ލީޑު ނެގީ ޗެލްސީންނެވެ. މެޗުގެ 23 ވަނަ މިނެޓުގައި ލިބުނު ޕެނަލްޓީއަކުން މި ލަނޑު ޗެލްސީއަށް ކާމިޔާބުކޮށްދިނީ ޖޯޖީނިއޯއެވެ. މިއީ އޭރިއާ ތެރެއިން ޗެލްސީއާ އަލަށް ގުޅުނު ފޯވާޑް ޓިމޯ ވާނައަށް ބްރައިޓަންގެ ގޯލްކީޕަރު މަތިއު ރަޔަން ކުރި ފައުލަކަށް ރެފުރީން ދިން ޕެނަލްޓީއެކެވެ.

ފުރަތަމަ ހާފު ލީޑުގައި އޮވެ ޗެލްސީން ނިންމާލި ނަމަވެސް، ދެވަނަ ހާފު ފަށައިގެން 54 ވަނަ މިނެޓުގައި ބްރައިޓަނުން ވަނީ ނަތީޖާ އެއްވަރުކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ލެއޮނާޑޯ ޓްރޮސާޑެވެ. އެކަމަކު އޭގެ ދެ މިނެޓު ފަހުން ޗެލްސީގެ ޑިފެންޑަރު ރީސް ޖޭމްސް ކާމިޔާބުކުރި ރީތި ލަނޑުން އެޓީމުން ވަނީ އަލުން ލީޑު ނަގާފައެވެ. އަދި މެޗުގައި ޗެލްސީން ލީޑު ފުޅާކުރީ 66 ވަނަ މިނެޓުގައި ޖޭމްސް ނަގައިދިން ކޯނަރުން ކާޓް ޒޫމާ ކާމިޔާބުކުރި ލަނޑުންނެވެ.

ލީގުގައި ކުޅުނު ފުރަތަމަ މެޗުން ޗެލްސީ މޮޅުވިއިރު، ލީގުގައި ޗެލްސީން ދެން މެޗެއް ކުޅޭނީ އަންނަ އާދީއްތަ ދުވަހުގެރެއެވެ. އެރޭ ޗެލްސީ ނުކުންނާނީ އަމިއްލަ ދަނޑުގައި އެންމެ ފަހުގެ ޗެމްޕިއަން ލިވަޕޫލާ ދެކޮޅަށެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.