އިންޑިއާގެ މަޝްހޫރު ރެޕަރ، ރަފްތާރު ކޮވިޑް-19 އަށް ޕޮޒިޓިވް ވެއްޖެއެވެ.

ބުދަ ދުވަހު އޭނާ ހިއްސާކޮށްފައިވާ ޕޯސްޓެއްގައި ބުނެފައިވަނީ އޭނާ ޕޮޒިޓިވްވިކަން ހާމަވީ އެމްޓީވީން ގެނެސްދޭ ރިއަލިޓީ ޝޯ "ރޯޑީސް"ގެ ފަހު ސީޒަންގެ ޝޫޓިން ފެށުމުގެ ކުރިން ރައްކައުތެރިވުމުގެ ފިޔަވަޅެއްގެ ގޮތުން ކޮވިޑް-19 އަށް ޓެސްޓް ކުރުމުން ކަމަށެވެ.

ރަފްތާތު ބުނެފައިވަނީ މީގެ ކުރިން ހެދި ދެ ޓެސްޓުގެ ނަތީޖާވެސް ނެގެޓިވް ކަމަށާއި ނަމަވެސް ބުދަ ދުވަހު ހެދި ޓެސްޓްގެ ނަތީޖާ ޕޮޒިޓިވް ވުމާއި ގުޅިގެން މިވަގުތު އޭނާ ހުރީ ހޯމް ކަރަންޓީންގައި ކަމަށެވެ.

އަދި އޭނާ މިވަގުތު ހުރީ ދެން ހަދާ ޓެސްޓެއްގެ ނަތީޖާ ނެގެޓިވް ވާނެ ކަމަށް އުއްމީދު ކޮށްގެން ކަމަށާއި ކޮވިޑް-19 އަށް އެންމެ ފަހުން ހެދި ޓެސްޓްގެ ނަތީޖާ ޕޮޒިޓިވް ވެފައިވަނީ ޓެކްނިކަލް އެރަރ އަކުންކަމަށް ގަބޫލު ކުރެވޭ ކަމަށެވެ.

ސަބަބަކީ އޭނާގެ ހަށިގަނޑުން ކޮވިޑް-19 ގެ އެއްވެސް އަލާމާތެއް ފެނުިފައި ނުވުމުން ކަމަށާއި އެނާ ހުރީ "ފިޓް" ކޮށް ކަމަށް ރަފްތާރު ވަނީ ބުނެފައެވެ.

ރަފްތާރުގެ ފާހަގަކޮށްލެވޭ ލަވަތަކުގެ ތެރޭގައި ދާކަދް، ތަމަންޗޭޕެ ޑިސްކޯ، ބަންދޫކު މެރީ ލައިލާގެ އިތުރުންވެސް ގިނަ ލަވަތައް ހިމެނެއެވެ.