ބޮލީވުޑްގެ ލެޖެންޑް ޝްރީދޭވީގެ ދޮށީ ދަރި ޖާންވީ މެގަޒިން ވޯގް ކަވަރގެ ޝޫޓް ނިންމާލައިފިއެވެ.

މާރޗް 19 ވަނަ ދުވަހު މި މެގަޒިންގެ ޝޫޓްތައް ނިންމާލާފައިވަނީ މުމްބައިގެ ޑޯމް އިންޓަރކޮންޓިނެންޓަލް މެރައިން ޑްރައިވްގައެވެ.

ޖާންވީގެ މަންމަ ސްރީދޭވީގެ މަރާއި ގުޅިގެން ޖާންވީ އުޅެންޖެހުނު ހިތްދަތިކަމުން އަރައިގަންނަން މަސައްކަތް ކުރަމުންދާއިރު އޭނާގެ ގާތްމީހަކާއި ހަވާލާދީ އިންޑިއާގެ ނޫހެއްގައި ރިޕޯޓް ކޮށްފައިވާ ގޮތުގައި ކުރިން ހަމަޖެހިފައިއޮތީ ވޯގްގެ ކަވަރ ގައި ޖާންވީއާއި އޭނާގެ މަންމަ އެއްކޮށް ފެންނަ ފޮޓޯއެއް ޝާއިއު ކުރުމަށެވެ.

ޖާންވީ ވަނީ މީގެ ކުރިން ޕީޕަލްސްގެ މެގަޒިންގެ ކަވަރ އިން ވެސް ފެނިގެން ގޮސްފައެވެ. އެއީ ޝްރީދޭވީ މަރުވުމުގެ ކުރިންނެވެ. އޭގައި ޖާންވީ ފެނިފައިވަނީ މަންމަ ޝްރީދޭވީއާއި އެކުގައެވެ. 

ޖާންވީގެ ފުރަތަމަ މެގަޒިންގެ ޝޫޓިން މިހާރު ނިމިފައިވާއިރު، މިއަހަރުގެ ޖުލައ މަހުގައި އޭނާ ބޮލީވުޑަށް ތައާރަފުވާ ފިލްމު، ދަ ޑަކް ނެރުމަށް ވަނީ ހަމަޖެހިފައެވެ.

މި ފިލްމަކީ ދަރްމާ ޕްރޮޑަކްޝަން އިން ނެރޭ ފިލްމެކެވެ. އަދި އެ ފިލްމުގެ ޑައިރެކްޓަރަކީ ޝަޝަންކް ކައިތަންއެވެ. އެ ފިލްމުގައި ޖާންވީ އާއެކު ޝާހިދު ކަޕޫރުގެ ކޮއްކޮއެއް ކަމަށްވާ އިޝާން ކައްޓާރް ވެސް ބޮލީވުޑަށް ތައާރަފުވާނެއެވެ.