މިއަދު ޕޮޒިޓިވްވީ 93 މީހުން، 131 މީހަކު ބަލިން ފަސޭހަވި!
9 ސެޕްޓެމްބަރު 2020 | ބުދަ 17:4767 ދިވެހިން ހިމެނޭ
ސިއްހީ އޮފިޝަލުންތަކެއް ހަރަކާތްތެރިވަނީ
އަންގާރަ ދުވަހުގެ ހަޔަކުން ބުދަ ދުވަހުގެ ހައެއްގެ ނިޔަލަށް ކޮވިޑް-19 އަށް 93 މީހަކު ޕޮޒިޓިވްވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ، ބުދަ ދުވަހު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެނީ 67 ދިވެހިންގެ އިތުރުން 26 ބިދޭސީން ކަމަށެވެ. އެކަމަކު އެ ބިދޭސީންގެ ގައުމުތަކެއް އެޗްޕީއޭއިން ހާމައެއް ނުކުރެއެވެ.
މި ކޭސްތަކުގެ ތެރެއިން 86 ކޭސް މާލެ ސަރަހައްދުން ރިޕޯޓް ކުރެވިފައިވާއިރު ހަތް ކޭސް އެއް ރިޕޯޓް ކޮށްފައިވަނީ އަތޮޅު ތެރެއިންނެވެ. މި އަދަދުތަކާއި އެކު ޕޮޒިޓިވް ކޭސްތަކުގެ އަދަދު އުޅެނީ 8834 ގައެވެ. ބުދަ ދުވަހު ބަލިން ފަސޭހަވީ 131 މީހުންނެވެ. ޖުމްލަ ރިކަވަރީގެ އަދަދު އުޅެނީ 6288 ގައެވެ.
މި ވަގުތު ބައްޔަށް ފަރުވާދެމުންދާ މީހުންގެ އަދަދަކީ 2509 އެކެވެ. ހޮސްޕިޓަލުގައި އެޑްމިޓްކޮށްގެން ފަރުވާ ދެމުންދާ މީހުންގެ އަދަދު 127 އެވެ.
މިވަގުތު 25 ރަށަކުން ކޮވިޑުގެ ކޭސްތައް ވަނީ ރިޕޯޓް ކުރެވިފައެވެ. އަދި 21 ރިސޯޓަކުން 17 ފަތުރުވެރިންގެ އިތުރުން 48 މުވައްޒަފަކު ވަނީ ޕޮޒިޓިްވެފައެވެ. ފާއިތުވި ތިން ދުވަހަށް ބަލާއިރު ކޭސްތަކުގެ އަދަދު ވަނީ 100 އިން ދަށަށް ދާން ފަށާފައެވެ.
