ކ. މާލެ
|
6 ސެޕްޓެންބަރ 2020 | އާދީއްތަ 15:08
ބިން ހިއްކުމުގެ މަސައްކަތްކުރަނީ
ބިން ހިއްކުމުގެ މަސައްކަތްކުރަނީ
ގޫގުލް
ފިނޭންސް މިނިސްޓްރީ
ޕީއެސްއައިޕީގެ ދަށުން އެންމެ ބޮޑު ހަރަދެއް ކުރީ ބިންހިއްކުމާއި މަގު ހެދުމުގެ މަޝްރޫއުތަކަށް
 
މަގު ހެދުމުގެ އެކި މަޝްރޫއުތަކަށް ހަރަދުކޮށްފައި ވަނީ 108.2 މިލިއަން ރުފިޔާ
 
ބިން ހިއްކުމުގެ އެކި މަޝްރޫއުތަކަށް ސަރުކާރުން ހަރަދުކޮށްފައި ވަނީ 692.1 މިލިއަން ރުފިޔާ
 
ބިންހިކުމާއި މަގު ހެދުމުގެ އެކި މަޝްރޫއުތަކަށް ސަރުކާރުން ވަނީ 800.4 މިލިއަން ރުފިޔާ ހަރަދުކޮށްފަ

އަހަރުގެ މިހާތަނަށް އައި އިރު، ޕީއެސްއައިޕީ މަޝްރޫއުތަކުގެ ދަށުން ސަރުކާރުން އެންމެ ބޮޑު ހަރަދެއް ކޮށްފައި ވަނީ ބިން ހިއްކުމާއި މަގު ހެދުމުގެ މަޝްރޫއުތަކަށް ކަމަށް ފިނޭންސް މިނިސްޓްރީގެ ތަފާސްހިސާބުތައް ދައްކައިފިއެވެ.

ފިނޭންސް މިނިސްޓްރީ އިން އާންމުކޮށްފައިވާ ވީކްލީ ފިސްކަލް ޑިވެލޮޕްމެންޓްސްގެ އެންމެ ފަހުގެ ތަފާސްހިސާބުތައް ދައްކާގޮތުން އޮގަސްޓް މަހުގެ 27 ވަނަ ދުވަހުގެ ނިޔަލަށް ބިންހިކުމާއި މަގު ހެދުމުގެ އެކި މަޝްރޫއުތަކަށް ސަރުކާރުން ވަނީ 800.4 މިލިއަން ރުފިޔާ ހަރަދުކޮށްފައެވެ.

އެގޮތުން ބިން ހިއްކުމުގެ އެކި މަޝްރޫއުތަކަށް ސަރުކާރުން 692.1 މިލިއަން ރުފިޔާ ހަރަދުކޮށްފައިވާ އިރު، މަގު ހެދުމުގެ އެކި މަޝްރޫއުތަކަށް ހަރަދުކޮށްފައި ވަނީ 108.2 މިލިއަން ރުފިޔާއެވެ.

މީގެ އިތުރުން ދަތުރުފަތުރުގެ އެކި މަޝްރޫއުތަކަށް 723.1 މިލިއަން ރުފިޔާ ހަރަދުކޮށްފައިވާ އިރު، އޭގެ ތެރެއިން 315.4 މިލިއަން ރުފިޔާ ވަނީ ބަނދަރުގެ އެކި މަޝްރޫއުތަކަށް ހޭދަކޮށްފައެވެ. އަދި ބްރިޖަށް 246.7 މިލިއަން ރުފިޔާ ހަރަދުކޮށްފައިވާ އިރު، އެއާޕޯޓްގެ އެކި މަޝްރޫއުތަކަށް 160.9 މިލިއަން ރުފިޔާ ވަނީ ހަރަދުކޮށްފައެވެ.

ސިއްހީ އަދި އިޖުތިމާއީ އެކި ކަންކަމަށް ސަރުކާރުން 240.5 މިލިއަން ރުފިޔާ ހޭދަކޮށްފައިވާ އިރު، ފެނާ ނަރުދަމާގެ މަޝްރޫއުތަކަށް ސަރުކާރުން ވަނީ 202 މިލިއަން ރުފިޔާ ހަރަދުކޮށްފައެވެ. ސަރުކާރުން ވަނީ ނެޝަނަލް ސެކިއުރިޓީ އަދި ޕަބްލިކް އޯޑަރ އަށް 62.5 މިލިއަން ރުފިޔާ، ތައުލީމީ އެކި މަޝްރޫއުތަކަށް 74.7 މިލިއަން ރުފިޔާ ހަރަދުކޮށްފައެވެ.

ފިނޭންސްގެ ތަފާސްހިސާބުތައް ދައްކާގޮތުން، އޮގަސްޓް 27 ވަނަ ދުވަހުގެ ނިޔަލަށް ސަރުކާރުން ވަނީ ޕީއެސްއައިޕީގެ އެކި މަޝްރޫއުތަކަށް 2,767.6 މިލިއަން ރުފިޔާ ހަރަދުކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
100%
0%
0%
0%
0%
ކޮމެންޓް