ދައުލަތުގެ އޮފީސްތަކަށް ހިލޭ އެހީގެ ގޮތުގައި ލިބޭ ތަކެތީގެ މައުލޫމާތު ފިނޭންސް އަކަށް ނުފޮނުވާ
އެހީގެ ގޮތުގައި ލިބޭ ހަރުމުދާ އަދި އެނޫން ގޮތްގޮތުން ދައުލަތަށް ލިބޭ މުދާ ދައުލަތުގެ ހަރުމުދަލުގެ ރަޖިސްޓަރީގައި ހިމަނައިގެން ބަލަހައްޓަން ޖެހޭ
ފިނޭންސް މިނިސްޓްރީ
ދައުލަތުގެ އޮފީސްތަކަށް ހިލޭ އެހީގެ ގޮތުގައި ލިބޭ ތަކެތީގެ މައުލޫމާތު ފިނޭންސް މިނިސްޓްރީ އަށް ފޮނުވަމުން ނުގެންދާ ކަމަށް އެމިނިސްޓްރީ އިން ބުނެފިއެވެ.
ފިނޭންސް އިން ވަނީ މާލިއްޔަތު ގަވައިދުގައި ކެޕިޓަލް ބަޖެޓުން ހަރަދުކޮށްގެންނާއި އެހީގެ ގޮތުގައި ލިބޭ ހަރުމުދާ އަދި އެނޫން ގޮތްގޮތުން ދައުލަތަށް ލިބޭ މުދާ އަދި ކެޕިޓަލް ހަރަދުގެ ގޮތުގައި ކުރެވޭ މަސައްކަތް ދައުލަތުގެ ހަރުމުދަލުގެ ރަޖިސްޓަރީގައި ހިމަނައިގެން ބަލަހައްޓަން ޖެހޭކަން އަންގާފައިވާކަން ފާހަގަކޮށްފައެވެ.
އެގޮތުން، ދައުލަތުގެ ހަރުމުދަލުގެ ފުރިހަމަ ރަޖިސްޓްރީއެއް ހެދުމުގެ މަސައްކަތް ފިނޭންސްއިން ކުރަމުން އަންނާތީ ދައުލަތުގެ އޮފީސްތަކަށް 2020 ވަނަ އަހަރުގެ ޖެނުއަރީ މަހުގެ އެއްވަނަ ދުވަހުން ފެށިގެން 2020 ވަނަ އަހަރުގެ ޖުލައިގެ ނިޔަލަށް ހިލޭ އެހީގެ ގޮތުގައި ލިބިފައިވާ މުދަލުގެ މައުލޫމާތު ހޯދުމަށް އެދި މިނިސްޓްރީ އިން ދައުލަތުގެ އިދާރާތަކުގައި އެދުނު ނަމަވެސް އަދިވެސް ގިނަ އަދަދެއްގެ އޮފީސްތަކުން އެމައުލޫމާތު ފޮނުވާފައި ނުވާކަމަށް ފިނޭންސް އިން ބުނެއެވެ.
އެހެން ނަމަވެސް މި މައުލޫމާތުތައް ދައުލަތުގެ ހަރުމުދަލުގެ ރަޖިސްޓްރީގެ ގޮތުގައި ޕަބްލިކް އެކައުންޓިން ސިސްޓަމްގައި ރެކޯޑްކުރަން ޖެހޭތީ މައުލޫމާތުތައް މިނިސްޓްރީއަށް ފޮނުވުމަށް މިނިސްޓްރީ އިން ވަނީ އަނެއްކާވެސް އެދިފައެވެ.
އޮގޮތުން ފިނޭންސް މިނިސްޓްރީގެ ވެބްސައިޓްގައިވާއެކްސެލްޝީޓްފުރިހަމަ ކުރުމަށް ފަހު ސެޕްޓެމްބަރު މަހުގެ 10 ވަނަ ދުވަހުގެ 14:00 ގެ ކުރިން މިނިސްޓްރީއަށް ފޮނުވުމަށް ވަނީ އެދިފައެވެ.
