ބަންގްލަދޭޝްގެ މިސްކިތެއްގައި ގޮވުންތަކެއް ގޮވާ 12 މީހުން މަރުވެއްޖެ
ޑާކާގައި ހުރި މިސްކިތެއްގައި ގޮވުންތަކެއް ގޮވައި 12 މީހުން މަރުވެ 25 މީހަކަށް ސީރިޔަސް އަނިޔާތަކެއްވެއްޖެ
ބަންގްލަދޭޝްގެ ހޮސްޕިޓަލްއެއްގައި ފަރުވާދެނީ
ސެޕްޓެމްބަރު 4 ވަނައަށްވީ ހުކުރު ދުވަހުގެރޭ ބަންގްލަދޭޝްގެ ޑާކާގައި ހުރި މިސްކިތެއްގައި ގޮވުންތަކެއް ގޮވައި 12 މީހުން މަރުވެ 25 މީހަކަށް ސީރިޔަސް އަނިޔާތަކެއްވެއްޖެއެވެ. މަރުވި މީހުން ތެރޭގައި 7 އަހަރުގެ ކުޑަކުއްޖަކުވެސް ހިމެނޭ ކަމަށްވެއެވެ. މިގޮވުންތަށް ގޮވަން ދިމާވީ މިސްކިތުގައި ހުރި 6 ވަރަކަށް އޭސީ ގޮވައިގެންކަމަށް ލަފާކުރެއެވެ.
ޒަޙަމްވި 25 މީހުންނަށް ފަރުވާދެމުން ދަނީ ޝެއިޙް ޙަސީނާ ނެޝަނަލް އިންސްޓްޓިއުޓް އޮފް ބާރން އެންޑް ސާޖަރީ ނަމަކަށް ކިޔާތަނެއްގައެވެ. ބަންގްލަދޭޝްގެ ޕޮލިސްޓޭޝަނުން ހާމަކުރިގޮތުގައި ޒަހަމްވި މީހުންގެ ހަށިގަނޑުގެ 60 އިންސައްތަ އަދި 70 އިންސައްތަ ވަނީ ފިހިފައެވެ.
ފަޔަރ ސާރވިސް ޑިޕާޓުމަންޓްއިން ހާމަކުރިގޮތުގައި ބޮޑަށް ލަފާކުރެވެނީ ގޮވުންތަށް ގޮވީ އޭސީގެ ހޮޅިން ގޭސް ލީކުވުމާ ގުޅިގެންނެވެ. ނަމާދު ވަގުތުގައިވުމުން ކުޑަދޮރުތަށް ލައްޕާފަހުރުމުން ގޭސް ހުރީ މުޅި މިސްކިތް އެތެރެއަށް ފެތުރިފައި ކަމައް ލަފާކުރެވެއެވެ. އަދި މީހަކު އޭސީ ނުވަތަ ފަންކާފަދަ އެއްޗެއް ޖެއްސުމުން ދިލަކަނި ކަހަލަ އެއްޗެއް ބުރައިގެން އޭސީ ގޮވީ ކަމަށް ލަފާކުރެވޭ ކަމަށް ހާމަ ކުރެއެވެ.
