ސްނޯރކްލިންގއަށް ގޮސް އުޅުނު ދިވެއްސަކު ގެއްލިގެން ހޯދަނިކޮށް ފެނުނީ ފަރުމަތީ ހުއްޓާ!
2 ސެޕްޓެމްބަރު 2020 | ބުދަ 16:15އެ ހާދިސާގެ ރިޕޯޓް ލިބިފައިވަނީ 19:55 ހާއިރު
މެދުފުށި ރިސޯޓް
ސްނޯރކްލިންގއަށް ގޮސް އުޅުނު ދިވެއްސަކު ގެއްލިގެން ހޯދަމުންދަނިކޮށް، ފަރުމަތީގައި ހުއްޓާ ފެނިއްޖެއެވެ.
އެމްއެންޑީއެފުން ބުނީ ޑިންގީއެއްގައި 3 މީހުންނާއެކު މ. މެދުފުށި ކައިރީ ފަޅު ތެރެއަށް ސްނޯރކްލިންގ އަށް ގޮސް އުޅެނިކޮށް، އެކަކު ގެއްލިގެން އެކަމުގެ ރިޕޯޓް 19:55 ހާއިރު ލިބުނު ކަމަށެވެ. އަދި އެ މީހާ ހޯދުމުގެ މަސައްކަތް އެމްއެންޑީއެފްގެ ސެންޓްރެލް އޭރިޔާ ކޮމާންޑުން ކުރަމުން ދަނިކޮށް ފަރުމަތީގައި ހުއްޓާ ފެނިފައިވާ ކަމަށާއި، އޭނާ ފެނިފައިވަނީ 20:50 ހާއިރު ކަމަށް އެމްއެންޑީއެފުން ބުންޏެވެ.
އެ މީހާ ވަނީ އެމްއެންޑީއެފްގެ ލޯންޗުގައި މ. މުލިއަށް ގެންގޮސްފައެވެ. ޑިންގީގައި ސްނޯރކްލިންގ އަށް ގޮސްފައިވަނީ 3 ދިވެހިން ކަމަށް އެމްއެންޑީއެފުން ބުންޏެވެ.
މިދުވަސްވަރު ރާއްޖޭގެ ހުުރިހާ ސަރަހައްދަކަށް ވެސް މޫސުން ގޯސްއިރު، ކަނޑުތައް ވެސް ގަދައެވެ. އެހެންކަމުން ކަނޑުދަތުރު ކުރައްވާ ފަރާތްތަކުން މޫސުމަށް ސަމާލުވުމަށް އެމްއެންޑީއެފުން އިލްތިމާސް ކުރެއެވެ.
