މާދަމާ ހެނދުނު 06:00 ފެށިގެން ވިޔަފާރި ކުރާ ތަންތަނުގެ ހިދުމަތް ދެވޭނެ

އާދިއްތަ ދުވަހު ހެނދުނު މާދަމާ ހެނދުނު 06:00 ފެށިގެން ވިޔަފާރި ކުރާ ތަންތަނުން ހިދުމަތް ދެވޭނެ ކަމަށް އިކޮނޮމިކް މިނިސްޓްރީން ބުނެފިއެވެ.

އިކޮނޮމިކް މިނިސްޓްރީ އިން ކުރި އިއުލާނެއްގައި ބުނީ ޢާންމު ޞިއްޙަތުގެ ކުއްލި ނުރައްކަލުގެ ޙާލަތު އިޢުލާނުކޮށްފައިވާ މުއްދަތުގައި، ފިހާރަތައް ހުޅުވާފައި ބެހެއްޓޭނެ ގަޑިއަށް ބަދަލު ގެނެވިފައިވާތީ، 30 އޮގަސްޓް 2020 އިން ފެށިގެން، މާލެ، ހުޅުމާލެ އަދި ވިލިމާލޭގައި، ފިހާރަ ފަދަ ތަންތަން ކަސްޓަމަރުންނަށް ހުޅުވާލައިގެން ޚިދުމަތް ދެވޭނެ ގަޑި އަކީ، ހެނދުނު 6:00ން ރޭގަނޑު 9:30ށް ކަމަށެވެ.

Advertisement

މީގެެ ކުރިން އޮތީ ފިހާރަތައް ހުޅެވޭނީ ހެނދުނު 9:00ން ރޭގަނޑު 9:30ށް ކަމަށް ކަނޑައަޅައިފައެވެ.

ކަސްޓަމަރުންނަށް ހުޅުވާލައިގެން، ވިޔަފާރި ކުރާ ފިހާރަ ފަދަ ތަންތަން ހެލްތް ޕްރޮޓެކްޝަން އެޖެންސީން ކަނޑައަޅާ އުޞޫލުތަކާއި އެއްގޮތަށް ޢަމަލުކުރަންވާނެ ކަމަށް މިނިސްޓްރީން ވަނީ ބުނެފައެވެ.

ފިހާރަތަކުން ވެސް ހިދުމަތް ދިނުމުގައި ގެންގުޅޭނެ ވަކި އުސޫލެއް އެޗްޕީއޭ އިން ވަނީ ކަނޑައަޅާފައެވެ. އެގޮތުން ޚިދުމަތް ދިނުމުގައި އެއްފަހަރާ އެތަނަކަށް ވަދެވޭނެ މީހުންގެ ޢަދަދު ފެންނަ ގޮތަށް ދޮރުމަތީގައި ބެހެއްޓުމުގެ އިތުރުން 3 ފޫޓުގެ ގައިދުރުކަން ހިފެހެއްޓޭ މިންވަރަށް މީހުންނަށް ތިބެވޭ ގޮތަށް އެތަންތަނުގެ އެތެރޭގެ އިންތިޒާމް ހަމަޖެއްސުމަށް ވަނީ އަންގާފައެވެ. އަދި އެތެރޭގައި ޚިދުމަތް ހޯދާއިރު މާސްކް އެޅުން ވަނީ މަޖުބޫރު ކޮށްފައެވެ.