ކޮކާކޯލާ އިން އެތައް ހާސް ވަޒީފާއެއް މަދުކުރަނީ
ކޮކާކޯލާ އިން ވަޒީފާތައް މަދުކުރަން ނިންމާފައި ވަނީ ކޮވިޑް-19 އާއި ގުޅިގެން އައި މާލީ ދަތިތަކުގެ ސަބަބުން
ކޮކާކޯލާގެ ޓްރަކްތަކެއް
މަލްޓިނޭޝަނަލް ކުންފުނި ކޮކާކޯލާ އިން އެތައް ހާސް ވަޒީފާއެއް މަދު ކުރަން ނިންނަމައިފިއެވެ.
ކޮކާކޯލާ އިން ބުނީ އެކުންފުނީގެ އެތައް ހާސް ވަޒީފާއެއް ވަކިކުރަން ނިންމާފައި މިވަނީ ކޮވިޑް-19 އާއި ގުޅިގެން ކުރިމަތިވި މާލީ ދަތިތަކުގެ ސަބަބުން ކަމަށެވެ. އެގޮތުން ކުންފުނީގެ ވިޔަފާރިއަށް އެންމެ ބޮޑު އަސަރެއް ކޮށްފައި ވަނީ ކޮވިޑާއި ގުޅިގެން ކެފޭ ރެސްޓޯރަންޓް އަދި ބަރ ތައް ބަންދު ކުރުމުން ކަމަށް ކޮކާކޯލާ އިން ފާހަގަކުރުއެވެ.
ކޮކާކޯލާ އިން ބުނީ ކުންފުނީގައި މަސައްކަތް ކުރާ މުވައްޒަފުންގެ ތެރެއިން އެމެރިކާ، ކެނެޑާ އަދި ޕުއެޓޯ ރީކޯ ގައި މަސައްކަތް ކުރާ މުވައްޒަފުންގެ ތެރެއިން މުވައްޒަފުންނަށް ވޮލަންޓަރީ ސެޕަރޭޝަން އަކަށް ދިއުމުގެ ފުރުސަތު ދޭނެ ކަމަށެވެ. އަދި އެހެން ގައުމުތަކުގައި މި ފުރުސަތު ދޭނީ ކިހާ އަދަދެއްގެ މުވައްޒަފުންނަށް ކަމެއް އެ ކުންފުނިން ހާމަ ނުކުރި ނަމަވެސް އެހެން ގައުމުތަކުގައި ހުރި ބްރާންޗްތަކުގައި މަސައްކަތް ކުރާ މުވައްޒަފުންނަށް ވެސް މި ފުރުސަތު ދޭނެ ކަމަށް ކޮކާކޯލާ އިން ބުނެއެވެ.
ކޮކާކޯލާ އިން ވަނީ ކުންފުނީގެ މާލިއްޔަތަށް ކުރި އަސަރާއި އެކު އެތަށް މުވައްޒަފުންނަށް ކޮމްޕަލްސަރީ ރިޑަންޑޭންސީގެ ސަބަބުން ވަޒީފާއިން ވަކިކޮށްފައެވެ. އެހެން ނަމަވެސް ވޮލަންޓަރީ ސެޕަރޭޝަން އިން ވަޒީފާތައް މަދުކުރުމުން ކުންފުންޏަށް މާ ފަސޭހަ ވާނެ ކަމަށް ކޮކާކޯލާ އިން ގަބޫލުކުރެއެވެ.
އަހަރު ފެށުނު އިރު، 86،000 އަށް ވުރެ ގިނަ މުވައްޒަފުން ކޮކާކޯލާގެ އެކި ބްރާންޗްތަކުގައި މަސައްކަތް ކުރި އިރު، ކަނޑާލަން ނުވަތަ އުނިކުރަން ނިންމާފައިވާ ސީދާ އަދަދު އެކުންފުނިން އަދި ހާމަކޮށްފައެއް ނުވެއެވެ.
