ކޮކާކޯލާ އިން ކޮސްޓާ ކޮފީ ގަނެފި
ކޮސްޓާ ކޮފީ ގަނެފައިވަނީ 5.78 ބިލިއަން ޑޮލަރަށް
ސިމާހާ ނަސީމް | 31 އޯގަސްޓު 2018 | ހުކުރު 17:51
ކޮސްޓާ ކޮފީއަކީ ދުނިޔޭގެ މަޝްހޫރު ކޮފީ ޗެއިނެއް
ކޮކާ ކޯލާ ކުންފުނިން މަޝްހޫރު ކޮފީ ކުންފުނި ކޮސްޓާ ކޮފީ 5.78 ބިލިއަން ޑޮލަރަށް ގަނެފިއެވެ.
ކޮސްޓާ ކޮފީ، ކޮކާ ކޯލާއަށް ވިއްކާލާފައި ވަނީ ކޯސްޓާ ކޮފީ ކުންފުންޏަށް ގެއްލުމާ ކުރިމަތިވެފައި ވަނިކޮށެވެ.
ކުންފުނި ވިއްކާލުމަށްފަހު ވެސް ހިއްސާދާރުންނަށް ދޭންޖެހޭ ފައިސާ އެ ކުންފުނިން ދޭނެ ކަމަށާއި އަދި ދަރަނި އަދާކުރާނެ ކަމަށް ކޮސްޓާ ކޮފީ އިން ވަނީ ބުނެފައެވެ.
ކޮސްޓާ ކޮފީ ބްރޭންޑުގެ 2400 އައުޓްލެޓު ދުނިޔޭގެ އެކި ގައުމުތަކުގައި ހިންގައެވެ.
ވެލާނާ އިންޓަނޭޝަނަލް އެއަރޕޯޓް (ވީއައިއޭ) ގައި ހަދަމުން އަންނަ ވޯޓަރ ފްރަންޓް ރެސްޓޯރެންޓްގައި ހުޅުވާ މަޝްހޫރު ފްރެންޗައިސް ރެސްޓޯރަންޓްތަކުގެ ތެރޭގައިވެސް ކޮސްޓާ ކޮފީ ހިމެނޭކަމަށް އެކުންފުނިން ވަނީ ބުނެފައެވެ.
