އަލިފާނުގެ ހާދިސާ ހިނގާ ސަރަހައްދަށް އާންމުން ނުދިއުމަށް އިލްތިމާސްކޮށްފި
28 އޯގަސްޓު 2020 | ހުކުރު 18:10ދުމުގެ އަސަރު ކުރާ ސަރަހައްދުގެ ގެތަކަށް ދުން ނުވަންނާނެހެން ދޮރާއި ކުޑަދޮރުތައް ރަނގަޅަށް ލެއްޕުމަށް އެޗްޕީއޭ އިން އިލްތިމާސްކުރެ
އަލިފާން ރޯވެފައިވާ ސަރަހައްދު
މާލޭގައި މިހާރު އަލިފާނުގެ ހާދިސާ ހިނގަމުންފާ ސަރަހައްދަށް އާންމުން ނުދިއުމަށް ހެލްތު ޕްރޮޓެކްޝަން އެޖެންސީ އިން އިލްތިމާސްކޮށްފިއެވެ.
އެޗްޕީއޭ އިން ވަނީ ސްޓޭޓް ބޭންކް އޮފް އިންޑިއާ އިމާރާތުގައި ހިނގައިގެން އުޅޭ އަލިފާނުގެ ހާދިސާގެ ސަބަބުން ކުރާ ދުމުގެ އަސަރުން ރައްކާތެރިވުމަށް އެސަރަހައްދަށް ނުދިއުމަށް އިލްތިމާސް ކުރާ ކަމަށާއި ދުމުގެ އަސަރު ކުރާ ސަރަހައްދުގެ ގެތަކަށް ދުން ނުވަންނާނެހެން ދޮރާއި ކުޑަދޮރުތައް ރަނގަޅަށް ލެއްޕުމަށް އިލްތިމާސްކޮށްފައެވެ.
ނޭވާލާ ނިޒާމާއި ހިތުގެ ބަލިތައް ހުންނަ ފަރާތްތަކަށް ދުމުގެ ސަބަބުން ކުރާ ނޭދެވޭ އަސަރު ބޮޑުވުން އެކަށީގެންވާ ކަމަށާއި އުމުރުން ދުވަސްވީ ފަރާތްތަކާއި ކުޑަކުދިންނަށްވެސް ދުމުގެ ނުރައްކާ ބޮޑުކަމަށް ފާހަގަކުރެއެވެ.
ދުމުގެ އަސަރު ކުރާ ސަރަހައްދަކަށް ނުކުންނަ ނަމަ އަނގައާއި ނޭފަތް ރަނގަޅަށް ނިވާކުރުމަށް އެޗްޕީއޭ އިން އިލްތިމާސްކުރެއެވެ.
އޭގެ އިތުރުން އެޗްޕީއޭ އިން ވަނީ އެސަރަހައްދުގައި ކޮވިޑް-19 އަށް ޕޮޒިޓިވް ވެފައިވާ މީހުންނާއި އަދި ޕޮޒިޓިވް ވި މިހާކާ ބައްދަލުވެ ހޯމް ކަރަންޓީނުގައި ތިބި މީހުން 1676 އަށް ގުޅުމަށްވެސް އެދިފައެވެ.
އަލިފާނުގެ ހާދިސާ ހިނގަމުންދާ ސަރަހައްދުގައި އެމްއެންޑީއެފްގެ ފަޔަރ ޓީމުން ދަނީ ހަރަކާތްތެރިވަމުންނެވެ. އަދި އެސަރަހައްދުގައި ހުރި އިމާރާތްތަކުގައި ދިރިއުޅޭ ފަރާތްތައް ވަނީ މިހާރު އިމާރާތްތަކުން ނެރެފައެވެ.
