ފެށުން ގޯސްވިއަސް މުސްތަގްބަލް ފެންނަނީ އުޖާލާކޮށް: މައުސޫމް
ބޯޑަރު ހުޅުވި އިރު، ފަތުރުވެރިންނަށް ދަތިތަކާއި ކުރިމަތިވިކަން ގަބޫލު ކުރަން
ރާއްޖެޓީވީގެ ފަލަސުރުހީ ޕްރޮގުރާމްގައި ޓުއަރިޒަމް މިނިސްޓާރ ބައިވެރިވެވަޑައިގަތުން
ރާއްޖެ އަންނަ ފަތުރުވެރިންގެ އަދަދު ގިނަވެގެން އެއްވެސް "މަޅިއެއް" ނާރާނެކަމަށާއި ކޮވިޑް ރާއްޖޭގައި ފެތުރޭމިންވަރު ދަށްކޮށްދިނުމަށް ޓުއަރިޒަމް މިނިސްޓަރ ޑރ. އަބްދުﷲ މައުސޫމް އެދިއްޖެއެވެ.
ބޯޑަރު ހުޅުވާލައި ފަތުރުވެރިން އައިސް ރާއްޖޭގައި ޗުއްޓީ ހޭދަކޮށްފައި އަނބުރާ ގައުމަށް ދިއުމަށް ހަދަންޖެހޭ ޓެސްޓްތައް ހެދުމުގައި ލަސްވެ މިކަމާއި ގުޅިގެން ބައެއް ފަތުރުވެރިން ވަނީ ކަންބޮޑުވުން ފާޅުކޮށްފައެވެ.
މިކަމާއި ގުޅިގެން ރާއްޖެޓީވީގެ ފަލަސުރުހީ ޕްރޮގުރާމްގައި ވާހަކަ ދައްކަވަމުން މިނިސްޓަރ މައުސޫމް ވިދާޅުވީ، ފެށުން ގޯސްވިއަސް މުސްތަގުބަލު ފެންނަނީ ވަރަށް އުޖާލާކޮށް ކަމަށެވެ. އެގޮތުން، ބޯޑަރު ހުޅުވިއިރު، ފަތުރުވެރިންނަށް ދަތިތަކާއި ކުރިމަތިވިކަން ގަބޫލު ކުރައްވާކަމަށާއި ނަމަވެސް މިހާރު އެކަންކަން ރަނގަޅު ކުރެވިފައިވާކަމަށެވެ. އަދި ފަތުރުވެރިން ގިނައިން އަންނަ ހާލަތަށް އޮތީ ފުރިހަމައަށް ތައްޔާރުވެފައިވާކަން މިނިސްޓާރ ފާހަގަކުރެއްވިއެވެ.
ރައީސް ސޯލިހުގެ އިރުޝާދުގެ ދަށުން އެކަމަށް ރަނގަޅު ފާލެއް އެޅެމުން އަންނަކަން ކުރެއްވައި މިނިސްޓަރ ވިދާޅުވީ، އެންމެ ބޮޑަށް ގަސްތުކުރަނީ މިހާރު މިނިސްޓްރީގައި އޮތް ސިޓުއޭޝަން މޮނިޓަރިންގ ޔުނިޓާއި ޕްރައިވެޓް ސެކްޓަރާއި އެކު ޓާސްކް ފޯހެއް އެކުލަވާލުން ކަމަށެވެ. އެއާއިއެކު، ރާއްޖެ އަންނަ ފަތުރުވެރިންގެ އަދަދު ގިނަވެގެން މަޅިއެއް ނާރާނެކަމަށާއި އެކަންކަން ވަރަށް ފުރިހަމަ ނިޒާމެއްގެ ދަށުން ގެންދާނެކަމަށް މިނިސްޓަރ ވިދާޅުވިއެވެ.
ބޯޑަރުތައް ހުޅުވައި ފަށައިގަތްއިރު ގިނަ ގޮންޖެހުންތަކެއް ހުރިއިރު، މުޅީ ޓީމުވެސް އައު ހާލަތަކަށް ތައްޔާރުވެ ޓްރަޔަލް މަރުހަލާގައި ގިނަ ކަންތައްތަކެއް ދިމާވި ކަމަށާއި ގައިޑްލައިން ހެދުމުގައިވެސް މުހިންމު ނިންމުންތަކެއް ނިންމަން ޖެހުނުކަން ފާހަގަކޮށް މިނިސްޓަރ ވިދާޅުވީ އަދި އެންމެ އުފާވަނީ، މިކަންތައްތަކަށް ތައްޔާރުވާންޖެހޭ މިންވަރު ހެލްތް ޓީމުން އިސްނަގައިގެން ފާހަގަކުރައްވާތީކަމަށެވެ.
އަދި ހަބަރުތަކުގެ ފަަލަސުރުހީތަކުން ޖާގަ ނުހޯދުނު ކަމުގައިވިޔަސް، ބައިނަލްއަގްވާމީ ގައުމުތަކުގެ އެހީ ހޯދުމުގައި ޕްރައިވެޓް ސެކްޓަރގެ ދައުރު ބޮޑުކަން ފާހަގަކުރައްވައި މިނިސްޓަރ ވިދާޅުވީ، ފަތުރުވެރިކަމުގެ ވުޒާރާއާއި ޕްރައިވެޓް ސެކްޓަރއާއި ގިނަ ވާހަކަތަކެއް ދެކެވި ޕްލޭން އޮތީ ހުރިހާ ކަމެއްވެސް ވީހާވެސް އޮމާންކޮށް ފަސޭހަކަމާއި އެކު ބައްޓަންކުރުމަށްކަމަށެވެ. އަދި، ފަތުރުވެރިކަން ފުޅާކޮށް ރާއްޖެއަކީ ރައްކާތެރި މަންޒިލެއްގެ ގޮތުގައި ދެއްކުމަށް ކޮވިޑްގެ ކޭސްތައް މަދުކުރުމަށް މިނިސްޓަރ ވަނީ އެދިވަޑައިގެންނަވާފައެވެ.
