ގުރައިދޫގައި އެމްޑީޕީގެ މެމްބަރުންނާއި އެކު ބައްދަލުވުމެއް ބާއްވައިފި
ގިނަ ރައްޔިތުން މިސަރުކާރާއި މެދު ހިތްހަމަނުޖެހުން ފާޅުކުރި
ގުރައިދޫގައި އެމްޑީޕީގެ މެމްބަރުންނާއި އެކު ކުރިއަށްގެންދިޔަ ބައްދަލުވުން
އެމްޑީޕީން ތ.އަތޮޅަށް ކުރަމުންދާ ދަތުރުގައި އެ އަތޮޅުގެ ގުރައިދޫގެ އެމްޑީޕީގެ މެމްބަރުންނާއެކު ބައްދަލުވުމެއް ބާއްވައިފި އެވެ.
މިބައްދަލުކުރުމުގައި އެމްޑީޕީގެ ޓިކެޓުގައި ލޯކަލް ކައުންސިލް އިންތިހާބުގެ އޮތޮޅު ކައުންސިލްގެ ގުރައިދޫ ދާއިރާއަށް ވާދަކުރާ ކެންޑިޑޭޓު ވަނީ ބައިވެރިވެފައެވެ. އަދި ރަށު ކައުންސިލަށް ވާދަކުރާ ކެނޑިޑޭޓުންވެސް ބައިވެރިވެފައިވެއެވެ.
މިބައްދުލުމުގައި ވާހަކަދައްކަވަމުން އެމްޑީޕީގެ ނައިބު ރައީސް މުހައްމަދު ޝިފާޒް ވިދާޅުވީ ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓްގައި ވާދަ ކުރާ ކެންޑިޑޭޓުން ގޮނޑި ކާމިޔާބުކޮށް އިދިކޮޅު ޕީޕީއެމް ބަލިކޮށްލަން ޖެހޭ ކަމަށެވެ. އަދި ކައުންސިލް އިންތިޚާބުގައި މިހާރު ކުރިއަށްދާ ކެމްޕެއިން އިތުރަށް ވަރުގަދަ ކުރުމަށް ޝިފާޒް އެދިވަޑައިގެންނެވި އެވެ.
މިބައްދަލުވުމުގައި އެމްޑީޕީގެ ލީޑަރޝިޕްގެ އިސްވެރިން ވާހަކަދެއްކެވި އެވެ. އަދި ކެމްޕެއިންގެ ހަރަކާތް ކުރިއަށްގެންދާނެ ހިޔާލާއި މަޝްވަރާ ދީފައިވެއެވެ.
މިދަތުރުގައި އެމްޑީޕީން ވަނީ ތ.އަތޮޅުގެ 7 ރަށަކަށް ދަތުރުކޮށްފައެވެ. އަދި ދެ ރަށުގައި ބޮޑު ޖަލްސާ ބާއްވާފައެވެ. މިރޭގެ ބޮޑު ޖަލްސާ ބޭއްވުމަށް ހަމަޖެހިފައިވަނީ ވިލިފުށީގައެވެ.
