ކޮވިޑް-19 އިން ރައްކާތެރިވުމަށް މިދިޔަ ހަފްތާގައި ކުރި ޚަރަދު އޭގެކުރީ ހަފްތާއާ އަޅާބަލާއިރު 0.6 އިންސައްތަ އިތުރު
25 އޯގަސްޓު 2020 | އަންގާރަ 06:47އޮގަސްޓް މަހުގެ 20 ވަނަ ދުވަހާ ހަމައަށް ކޮވިޑް-19 އިން ރައްކާތެރިވުމަށް ކޮށްފައިވާ ހޭދައަކީ 1.147 ބިލިއަން ރުފިޔާ
ފިނޭންސް މިނިސްޓްރީ
ކޮވިޑް-19 އިން ރައްކާތެރިވުމަށް މިދިޔަ ހަފްތާ ކުރި ޚަރަދު އޭގެކުރީ ހަފްތާ އާ އަޅާބަލާއިރު 0.6 އިންސައްތަ އިތުރުވެއްޖެއެވެ.
ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތަކަށް ބަލާއިރު އޮގަސްޓް މަހުގެ 20 ވަނަ ދުވަހާ ހަމައަށް ކޮވިޑް-19 އިން ރައްކާތެރިވުމަށް ކޮށްފައިވާ ހޭދައަކީ 1.147 ބިލިއަން ރުފިޔާއެވެ. އޭގެ ކުރީ ހަފްތާ އެ އަދަދު ހުރީ 1.114 ބިލިއަން ރުފިޔާގައެވެ. 1.114 ބިލިއަން ރުފިޔާގެ ތެރެއިން 548.5 މިލިއަން ރުފިޔާ އަކީ ޕާރޗޭސް އޯޑަރުތަކެވެ. އަދި ފައިސާ ނުދައްކާ ހުރި އިންވޮއިސްގެ ގޮތުގައި 43.1 މިލިއަން ރުފިޔާ ހުރިއިރު މިހާތަނަށް އައިއިރު ކޮވިޑް-19 އަށް ކޮށްފައިވާ ހޭދައަށް ފައިސާ ދައްކާފައިވާ އަދަދަކީ 556.2 މިލިއަން ރުފިޔާ އެވެ.
މީގެއިތުރުން އޮގަސްޓް މަހުގެ 20 ވަނަ ދުވަހާ ހަމައަށް އިގްތިޞާދީ ގޮތުން އެކިއެކި އެހީތެރިކަން ބޭނުންވާ ފަރާތްތަކަށް ކޮށްފައިވާ ހޭދައުޅެނީ 900 މިލިއަން ރުފިޔާއެވެ. މީގެތެރެއިން އިންކަމް ސަޕޯޓް އެލަވަންސްގެ ގޮތުގައި ދޫކޮށްފައިވާ ފައިސާގެ މިންވަރު ފާއިތުވި ހަފްތާގައި ވަނީ 11.7 އިންސައްތަ އޭގެކުރީ ހަފްތާ އަޅާބަލާއިރު އިތުރުވެފައެވެ.
މިހާތަނަށް ޚަރަދުތައް ކޮށްފައިވަނީ:
މިހާތަނަށް ޚަރަދުކޮށްފައިވާ ދާއިރާތަކަކީ:
ފިނޭންސް މިނިސްޓްރީން އަންނަނީ ކޮވިޑް-19 އަށް ކުރެވޭ ހަރަދުތަކުގެ ތަފްސީލް ހަފްތާއަކު އެއްފަހަރު އާންމު ކުރަމުންނެވެ. ފާއިތުވި ހަފްތާ އޭގެކުރީ ހަފްތާ އަޅާބަލާއިރު އެންމެ ބޮޑު ހޭދައެއް ކޮށްފައިވަނީ އައިޖީއެމްއެޗަށެވެ. އޭގެކުރީ ހަފްތާ އާ އަޅާބަލާއިރު އައިޖީއެމްއެޗަށް ވަނީ 5.9 މިލިއަން ރުފިޔާ ޚަރަދުކޮށްފައެވެ.
މި ޚަރަދުތަކަކީ ސިއްހީ ޚިދުމަތް ދިނުމަށް ބޭނުންކުރާ ތަކެތި ކަމުގައިވާ އެންނައިންޓީފައިވް މާސްކު ފަދަ ތަކެތި ގަތުމަށެވެ.
